丹水坑
丹水坑（粵拼：daan1 seoi2 haang1）係中國廣東廣州嘅一個風景區兼旅遊勝地，1995年10月開始營運，位置喺黃埔區南崗丹水坑路1111號。佢既係中國國家AA級旅遊景區，有「丹水勝境」之稱，又係廣州經濟技術開發區西區嘅旅遊景點之一。
概況[編輯]
景區有12公頃咁大。入面有6個功能區，分別係銅鼓山景區、休閒渡假區、丹水湖景區、體育活動中心區、商業服務區同埋娛樂活動區。而銅鼓山自然保護區入面嘅楊四將軍廟人文景區早喺1995年10月重修兼對外開放。而附近嘅樂園、高爾夫場、馬場、射箭場都係後嚟陸續開放。
景區[編輯]
景區分有別墅區、銅鼓山景區、高爾夫景區、馬場、笑翻天樂園同山谷遊樂園、高爾夫俱樂部七大部分。
銅鼓山（佛跡嶺）[編輯]
楊四將軍廟[編輯]
公園正門一廟兼嶺南特色建築，喺大清光緒卅一年（1905年）起好，入面有擺住楊四將軍、呂祖（純陽）雲山先姐、金山仙娘嘅石像。1994年11月被列為廣州市文物保護單位。
楊四係大宋時期，湖南長沙人，有古仔話佢7歲做咗神，斬咗成日搗亂檔嘅無義龍後封為將軍。由於佢可以鎮水驅瘟，所以長江流域地區有好多人拜佢。大清尾，由於廣州爆瘟疫，重波及到南崗一帶，宏崗村徐景良帶咗13位村民，用咗10幾日時間，行路到江西請返楊四，從而成功驅瘟。後嚟啲人為咗記得佢，先至起咗間廟嚟拜楊四嚟祈求吉星拱照同福壽康寧。
財神廟、文武廟、金花廟、華佗廟[編輯]
景區西北角四廟，都喺大清時期起好，1995年重修過，佢係中國大陸嘅民間廟宇之四。四間嘢都擺住：
| 廟 | 擺放物 | 代表 |
|---|---|---|
| 財神廟 | 財神爺、福星、壽星 | 祈求飛黃騰達 |
| 文武廟 | 文昌帝、關帝 | 文武雙全、文才武略 |
| 金花廟 | 金花娘娘、太歲 | 中國聖母（因為有12位細路） |
| 華佗廟 | 華佗像 | 玉封萬壽醫靈大帝 |
十八福地[編輯]
景區山腳東北角一景，傳說天官係中國民間嘅傳說大神、成日為民送福。由於舊時係天官作福之地，所以大石有18隻「福」字同8隻蝠鼠響度，遊人喺景區搵齊18隻「福」字同8隻蝠鼠就係代表五福臨門同瑞福入宅嘅福氣。
仙人腳印[編輯]
景區東邊一景，喺佛跡洞頂嘅大石上邊。傳說話何仙姑喺東樵（今日嘅羅浮山）到南海拜觀音，半佬咁啱經過丹水坑，睇到啲靚景而吸引咗，而佢行第五步又
方壺亭[編輯]
景區中心一景，喺楊四將軍廟東門附近，亦係丹水古八景之一。大元之前，嚿石喺條河邊，隔籬有樖好老嘅松樹冚住。傳說話成日有位個面珠好似細路嘅老坑，坐喺嚿石無所事事噉玩捉棋，但嗰時冇人知兩位老坑係點上嚟。後嚟通過「蓮來弱水，唯靈仙可渡，方壺圓橋，乃仙子可居。」呢句先至知佢係點爬上到座亭入面。啲人為咗享受神仙之樂，大清時先至搞咗座亭出嚟。1995年重修之後變靚咗。
仙源廟[編輯]
景區東邊一景，入面擺住和仙、合仙、齊天大聖三座神像嚟代表精靈活潑、和睦、闔家安康、夫唱婦隨同家和萬事興噉解。
丹水仙源[編輯]
景區東邊一景，丹水古八景之一。好耐之前有條泉水好似溪流噉從上邊流落嚟，好似花果山嘅水簾洞噉。後嚟地貌變咗，泉水同瀑布消失嗮，溪流變成「一線天」嘅奇景，而石上嘅「丹水仙源」四字係古代啲人留咗落嚟。2011年12月15號被列為蘿崗區（今日嘅黃埔區）文物。
佛跡洞同海光禪寺[編輯]
景區東邊一景，喺大清道光庚子年（1840年）由海光禪師帶徒弟鑿石而成，窿入面有彌勒佛、觀音菩薩，十八羅漢嘅石像響度。佢啲臥佛係廣州地區最大嘅石雕佛。傳說話摸佛會有吉利同萬事如意嘅福氣。佢喺2002年9月被列為廣州市登記保護文物，2011年11月14號被列為蘿崗區（今日嘅黃埔區）保護文物。
丹砂井[編輯]
景區北邊一景，丹水古八景之一，喺大元時期起好。長年有清泉同水質比較靚嘅講法。
丹水龍泉[編輯]
景區中部一景，喺楊四將軍廟嘅地面天井位，係廟嘅古蹟之一，亦係廟嘅龍脈所在地。啲水係好清嘅天然礦泉水。
氾荷池[編輯]
景區南邊一景，丹水古八景之一。水池種咗好多蓮花，山上啲風一吹，荷葉輕飄水面，好似船仔撐艇噉，而且香氣襲人。
笑翻天樂園[編輯]
佢係公園最大嘅遊樂場，包括咗兒童樂園、水上樂園、機動遊戲園一部分。1996年開放。但水上樂園係個專門畀成年人玩嘅極限挑戰地方。
高爾夫俱樂部[編輯]
佢係公園專門玩高爾夫嘅場地，喺1998年開放。入面除咗畀有錢人玩高爾夫之外，有時會搞其它帶有特色元素嘅主題展覽等。
門票同開放時間[編輯]
- 開放時間
- 每日08:00～17:00
- 銅鼓山景區方面，凡係行雷或落雨天時，唔畀入去佛跡洞天、邀仙亭或銅鼓石景區玩。
- 門票
- 雖然門飛唔散賣，但兩邊嘅全票收費形式唔一樣：
- 6＜歲數≤18／全日制大學本科或以下學歷啲人：半票
- 身高≤1.2m嘅細路／歲數≥65嘅老坑（要有廣州嘅老人證或中國大陸嘅身份證）／記者（要有記者證）／現役軍人（要有軍官證）／殘疾人（要有殘疾證）：免費
- 凡係有機動車啲遊客入場時，￥20／次。
- 另外，機動遊樂場同山谷遊樂園嘅遊樂項目、高爾夫球場係另外收錢，唔同銅鼓山同埋笑翻天樂園互通。
連出去[編輯]
