亞馬喇土腰

出自維基百科,自由嘅百科全書
跳去導覽 跳去搵嘢
 }}
       
亞馬喇土腰
(關閘馬路)

 
       
ISTMO FERREIRA DO AMARAL

街道資訊
成立日子 1574年
所在堂區 花地瑪堂區
開始地點 關閘
結束地點 拱形馬路
街道長度 約470

   行車道   綠化區
   行人道   海洋
   隧道#   海岸線
   水體
   建築物或地點
   建築物或地點(附名字)
 #:以半透明顯示
 †:界線模糊地帶以漸層顯示
 :街道嘅位置

1889年澳門半島同大陸痴埋一齊嘅蓮花莖(最頂)
古老嘅中式關閘城樓
葡萄牙人起嘅關閘拱門

亞馬喇土腰(又叫關閘馬路,葡萄牙文:Istmo Ferreira do Amaral)係澳門一條古舊嘅馬路,連接關閘拱形馬路之間,長470米。由於呢條路喺蓮花山下面,所以又有人叫做蓮花莖。關閘馬路嘅葡文名「Ferreira do Amaral」係澳門總督亞馬留嘅名。

背景[編輯]

關閘馬路原先只係由西江沙泥沖積而成嘅狹窄沙隄明代之前叫塘基路。明代嗰時曾經喺蓮花莖加建石磯,所以又有人叫橫石磯,呢條路係連接澳門半島大陸嘅重要馬路。蓮花莖上面曾經有一座起喺明萬曆二年(1574年)嘅「關閘門」,係中式嘅城樓。中式城樓係廣東香山縣設置喺度嘅官方關卡,後嚟發展成為同鬼佬分隔嘅邊界。以前嘅關閘門位置喺宜家關閘馬路中段。據《澳門圖記》入面寫:「由寨而東十五里為官閘,設把總守之,為民夷出入要隘。明制每月六開關,支給夷人米石。給迄,仍閉關。今常開,惟不許夷人闌入,他皆不禁。」可以見至到清代,關閘門已經係成日開門冇關。《廣東通誌》更寫到明,康熙十二年(1673年)增建嘅官廳有關閘門傍,由兵看住。

第一次鴉片戰爭期間,英國軍隊曾經喺清道光二十年(1840年)炸過關閘,想迫中國軍隊從澳門半島撤走。但係被林則徐關天培打贏咗。1848年,葡萄牙開始向北擴張邊界,同時起同關閘連接嘅馬路。1849年,澳門總督亞馬留喺呢度被人殺死。呢件事之後嘅發展令到中葡關係緊張,英國美國法國亦向中國發出反對暴行抗議書同派戰艦威脅關閘。呢嗰時候關閘汛兵被迫撤走,關閘門就即刻就被澳葡政府霸咗。1874年(清同治十三年)葡萄牙人拆咗中國起嘅關閘門,同時將關閘向北起過一座新嘅凱旋門式嘅新關閘。而新起嘅關閘門上面刻咗葡國詩人賈梅士嘅詩句,嚟將葡國打贏清政府嘅事誇大歌頌。隨著社會嘅發展,關閘馬路就隨著關閘係咁伸長。到咗宜家為止,關閘馬路同拱形馬路開始去到關閘廣場嗰忽,仍然係澳門最繁忙同重要嘅路。

呢道馬路地形係地峽,成嗰澳門得呢條街係屬於咁嘅地形。

[編輯]