伊利亞德
《伊里亞德》（古希臘文：Ιλιάς，羅馬化： Iliás）又譯成《伊利昂紀》（取自書名「伊利昂城下嘅故仔」嘅意思），係古希臘詩人荷馬嘅敘事史詩。係重要嘅古希臘文學作品，與《奧德修記》同為西方經典之一。根據有荷馬史詩人物圖像嘅花樽生產時期、第啲引用爾首詩嘅希臘詩歌撰寫日子推斷，本史詩應完成向公元前750或725年上下。
邊個作嘅
[編輯]内文：荷馬
一般認為，《伊利亞德》嘅作者係古希臘嘅盲眼詩人荷馬[歐 1]。荷馬估計係喺公元前 8 至 9 世紀出世嘅，而根據紀錄，《奧德修記》同《伊利亞德》呢兩首舉世聞名、影響深遠嘅古希臘史詩都係佢嘅作品[1]。
不過到咗廿一世紀初，仲有唔少人質疑呢兩首史詩係咪真係荷馬作嘅[1][2]：事實表明，當代（指同荷馬同期）嘅文獻好少可提到荷馬呢個人；對於荷馬喺邊度出世或者一世人做過啲乜，學界所知甚少；有唔少人懷疑《伊利亞德》各部份查實係由唔同人作嘅，每部份都喺古希臘人之間口耳相傳，流傳期間變過樣[註 1]，傳咗排之後先畀人攞文字紀錄低—而荷馬做嘅只不過係集結前人嘅創作，編成文獻；除此之外，啲人甚至懷疑荷馬呢個人根本只係一段創設神話[歐 2]—創設神話係指一個族群對於某種自然或者社會現像「點嚟」嘅神話，根據呢種睇法，古希臘人之所以會話首史詩嘅作者係荷馬，唔係因為荷馬真有其人，而係因為佢哋好想搵返個個體做「英雄人物」，當係呢兩首偉大史詩嘅作者[註 2][3]。
內容
[編輯]《伊里亞德》講咗特洛伊戰爭第十年（亦都係最尾一年）入邊幾個禮拜嘅活動。史詩用阿基里斯同阿伽門農嘅爭拗開始，用赫克托耳嘅葬禮收尾，故事嘅背景同最尾嘅結局都無直接講出來。
出現人物
[編輯]希臘人
[編輯]特洛伊人
[編輯]神祇
[編輯]涉及地區
[編輯]- 特洛伊：又叫伊利昂（Ilion），本篇名就用爾個地方命名。
註釋
[編輯]歐詞
[編輯]參考
[編輯]- Homer. 1984. The Iliad. Translated by Fitzgerald, Robert. Oxford: Oxford University Press, 1984.
- 程志敏著。《荷馬史詩導讀》。上海：華東師範大學版社，2007。
- 陳中梅譯。《伊利亞特》。北京：北京燕山出版社，1999。
睇埋
[編輯]睇埋
[編輯]- ↑ 1.0 1.1 Fowler, Harold North (1903). A History of Ancient Greek Literature. Museum Tusculanum Press.
- ↑ More reasons why the Greek poet Homer may never have existed. The Washington Post.
- ↑ Types of myths in Greek culture, Myth of heroes，不列顛百科全書。