伊蒙·德維利拉

出自維基百科,自由嘅百科全書
跳去導覽 跳去搵嘢
伊蒙·德維利拉
Eamon de Valera c 1922-30.jpg
姓名原文Éamon de Valera
出生日1882年10月14號 喺Wikidata改呢個
出生地曼克頓 喺Wikidata改呢個
死亡日1975年8月29號 喺Wikidata改呢個 (92歲)
死亡地都柏林 喺Wikidata改呢個
死因肺炎 喺Wikidata改呢個
國籍美國愛爾蘭自由邦愛爾蘭共和國 喺Wikidata改呢個
通曉英文愛爾蘭蓋爾文 喺Wikidata改呢個
信奉天主教會 喺Wikidata改呢個
學位Bachelor of Arts、Bachelor of Science 喺Wikidata改呢個
母校Royal University of Ireland 喺Wikidata改呢個
職業數學家外交官政治人 喺Wikidata改呢個
政黨Fianna Fáil、新芬黨 喺Wikidata改呢個
配偶Sinéad de Valera 喺Wikidata改呢個
仔女Brian de Valera、Emer de Valera、Vivion de Valera、Máirin de Valéra、Éamon de Valera、Rúaidhrí de Valera、Terry de Valera 喺Wikidata改呢個
阿爸Juan Vivion de Valera 喺Wikidata改呢個
阿媽Catherine Coll 喺Wikidata改呢個
伊蒙·德維利拉

伊蒙·德維利拉(愛爾蘭蓋爾文/英文:Éamon de Valera;1882年10月14號1975年8月29號)係愛爾蘭歷史上最有影響力、亦都係最具爭議嘅政治人物之一。佢先後做過革命政府總統、愛爾蘭下議院議員、下議院議長、總統委員會主席、愛爾蘭總理同愛爾蘭總統,政治生涯長達半個世紀。

早年[編輯]

伊蒙·德維利拉1882年喺美國紐約出世,阿媽係愛爾蘭移民嘉芙蓮·高(Catherine Coll),阿爸就係西班牙古巴人環·維維安·德維利拉(Juan Vivion de Valera)。佢哋兩個聽講係喺1881年9月18號喺新澤西州澤西市聖柏德歷大教堂結婚嘅,但係教堂同市政府都無今次結婚嘅證明。

1885年,環·維維安·德維利拉過咗身,嘉芙蓮·高又身無分文,於是伊蒙·德維利拉被佢阿叔尼德(Ned)帶咗返去愛爾蘭。嘉芙蓮·高後來嫁咗畀一個英國裔車夫查爾斯·維禮(Charles Wheelwright),但係伊蒙·德維利拉再都無返過去美國,而係去咗同佢婆婆伊麗莎白·高一家人住。之後,伊蒙·德維利拉先後喺廉尼郡嘅布魯利聖柏德歷國立學校(Scoil Naom Pádraig Brú Rí Scoil Náisiúnta)同埋沙夏城基督教兄弟學校(C. B. S. Charleville)讀過書。16歲,伊蒙·德維利拉獲得獎學金,但係被兩間書院拒收,祇有都柏林嘅黑石書院(Coláiste na Carraige Duibhe)錄取咗佢。伊蒙·德維利拉入讀咗之後,第一年就成為咗「年度頂尖學生」,重開始打橄欖球,後來重加入校隊擔當殿衛,帶領校隊一路殺入莫雲省高級盃。之後,伊蒙·德維利拉加入咗莫雲省橄欖球隊,從此同橄欖球結落不解之緣。

1903年,伊蒙·德維利拉被池伯歷治奧倫郡嘅佳石書院[暫譯](Coláiste Charraig an Tobair)請咗做數學老師。1904年,德維利拉從皇家愛爾蘭大學畢業,拿到數學學位。佢之後入讀咗都柏林三一學院,但係因為缺乏生活費,讀咗一年就停咗學,返咗去黑石書院教數學。1906年,德維利拉喺嘉麗斯福教師訓練學院搵到一份教數學嘅工作。之後佢向新成立嘅愛爾蘭國立大學申請過做教授,但係唔成功,祇有馬努德分校請咗佢做兼職數學老師。之後佢重係都柏林嘅幾間學校教過數學。

伊蒙·德維利拉識得講愛爾蘭蓋爾文,後來亦都成為咗保護愛爾蘭蓋爾文嘅積極分子。1908年,德維利拉加入咗道格拉斯·希渣創立嘅蓋爾文同盟,之後重喺同盟裡面識咗後來同佢結婚嘅專業教師仙妮德·妮芙蘭納根(Sinéad Ní Fhlannagáin)。兩個人喺1910年1月8號喺都柏林聖保祿教堂結婚。德維利拉同妮芙蘭納根一共生咗5個仔同兩個女,五個仔分別叫做維維安、小伊蒙、布里仁(喺德維利拉夫婦過身之前就過咗身)、魯里同泰倫斯;兩個女分別叫做瑪蓮同伊美。

初試鋒芒[編輯]

1913年11月25號,伊蒙·德維利拉正式開始咗佢嘅政治生涯:佢加入咗愛爾蘭志願軍(後來嘅愛爾蘭共和軍),同保皇派嘅歐斯達志願軍對抗,同時保證愛爾蘭議會黨爭取到嘅愛人治愛政策得到落實。

第一次世界大戰爆發之後,伊蒙·德維利拉開始平步青雲,好快就當選咗愛爾蘭志願軍布洛堂連嘅連長。當愛爾蘭志願軍開始籌備武裝起義嘅時候,德維利拉被人任命為都柏林旅直屬第三營嘅營長,重參加咗1916年嘅以達峰武器走私行動。之後,德維利拉喺湯馬士·麥當夏達嘅見證之下,加入咗當時秘密指揮愛爾蘭志願軍嘅愛爾蘭共和兄弟會,不過德維利拉本人好反對秘密組織,所以佢加入愛爾蘭共和兄弟會,祇不過係為咗全面瞭解武裝起義嘅計劃。

1916年4月26號,復活節起義爆發。伊蒙·德維利拉嘅任務係為都柏林東南邊嘅起義部隊提供支援。佢手下嘅部隊控制咗大運河街嘅寶蘭麵粉廠,重一直堅持到起義領袖派崔克·皮亞士下令起義部隊向英軍投降。投降之後,德維利拉被英國軍事法庭判咗有罪,本來要處死刑,但係之後好快就改判咗做終身做苦力。歷史學家認為,德維利拉大難不死有四個原因:

  1. 德維利拉嘅同佢嘅部隊係最後投降嘅,所以佢被英國當局運咗去第間監獄,無同其他起義領袖被人困埋一齊,所以無辦法同時處死;
  2. 美國駐都柏林總領事館喺德維利拉受審之前派咗人向英國交涉,而英國方面由於極力想拉攏美國一齊打一戰,怕處死可能係美國公民嘅德維利拉會激嬲美國,所以無倉促行刑;
  3. 帶領英軍鎮壓起義嘅軍官麥斯韋爵士(Sir John Grenfell Maxwell)喺審閱德維利拉份檔案嘅時候,判定德維利拉祇不過係個小角色,就算唔槍斃都唔足以對英國構成威脅,所以將死刑改為終身監禁;
  4. 到德維利拉受審嘅時候,來自倫敦嘅政治壓力迫使麥斯韋爵士中止行刑。