偽娘

四名偽娘

偽娘（日文：男の娘／おとこのこ ^Otokonoko），又叫偽女、女裝少年、女裝男子，係日本文化中作女性打扮嘅男性。偽娘係ACG中嘅常見嘅一種定型角色，喺呢類作品中嘅偽娘除咗透過變裝，也時常係天生就帶有傳統上被視為女性化嘅特征。

偽娘通常喺生理和心理認同上都仍係男性，如果係跨性別女性、變性人、雙性人等等通常唔會叫做偽娘。

真實世界

偽娘喺日本演藝圈唔罕見，17世紀嘅歌舞伎表演中即有由男性演女角嘅「女形」，近代較知名嘅有1950年代嘅美輪明宏。唔少日本樂團嘅成員也會作偽娘裝扮，特咪係視覺系樂團，例如Versailles -Philharmonic Quintet-樂團嘅前任及現任吉佢手 Jasmine You 和 Hizaki、Malice Mizer嘅吉佢手Mana、以及和樂器樂團嘅貝斯手亞沙。

男性喺Cosplay時如果扮成女性角色，稱為Crossplay，也係一種偽娘。

紐西蘭 偽娘 coser 結佳梨 yukari 扮演 緋彈嘅亞莉亞 中嘅女主角神崎· H·亞莉亞

虛構作品

80年代嘅偽女代表作係江口壽史嘅漫畫《停止！！雲雀》（ストップ!!_ひばりくん!），而大空雲雀就日本係漫畫界最早嘅偽娘，據講係因為江口老師想惡搞當時日本最興嘅少年少女戀愛。爾套漫畫響1981年開始作，喺2010年發最終篇《ストップ!!ひばりくん! コンプリート・エディション》（小學館クリエイティブ），發行咗二十七年。

90年代嘅偽娘代表人物係小野敏洋作嘅漫畫《光碼戰士》（バーコードファイター）女主角係有棲川櫻（有棲川桜）。響《光碼戰士》第11話入面證實，有棲川櫻係有性別不安症爾個病嘅11歲 少年：生理就係男性，但心理就係女性。同樣喺第11話入面，男主角虎堂烈（虎堂烈）話有棲川櫻唔係人妖：「佢嘅心理雖然係女人，但係佢嘅身體係真真正正嘅男人！」《光碼戰士》喺呢種年齡層嘅漫畫月刊中連載以偽娘為女主角嘅漫畫係相當大膽嘅作法；而喺有棲川櫻被證實係偽娘時嘅畫格內，小野敏洋喺左下角加一個細畫格「描繪」，等班讀者睇到爾一頁內容時驚訝嘅表情。 有人話，佢見過有個男人知道有棲川櫻係男仔嘅時候「震驚過度」，瞓咗係地下。

2005年1月28號發售嘅十八禁漫畫《處女愛上姊姊》（處女はお姉さまに恋してる）主角叫宮小路瑞穗（宫小路瑞穂）。佢同2005年10月21號開播嘅《happiness!》（はぴねす!） 配角渡良瀨定 (渡良瀬定) 畀認為係千禧年代偽娘代表人物。