元崗村梁氏宗祠

出自維基百科,自由嘅百科全書
Jump to navigation Jump to search
元崗村梁氏宗祠外觀

元崗村梁氏宗祠香港新界元朗區八鄉元崗村,起好到而家大概有200年,用嚟舉行祭祀、點燈、秋祭等傳統儀式同梁氏族人議事嘅地方,2007年被評為法定古蹟[1]

[編輯]

元崗村梁氏族人嚟自廣東東莞,喺1718世紀由12世祖梁國初帶同族人搬去新界,佢個仔梁大成之後定居喺元朗八鄉,並建立咗元崗村。而家梁氏宗祠係由「梁大成祖」所擁有。之後梁氏子孫繁衍至屏山橫洲十八鄉大棠村同屯門順風圍一帶。

建築[編輯]

元崗村梁氏宗祠係典型嘅清代兩進一天井式建築,正面牆身用花崗石同青磚砌成,正門上面石額刻住「梁氏宗祠」,兩邊掛咗「夏陽世澤 安定家聲」嘅對聯[2],牆頂上面有封簷板同中式壁畫裝飾,屋脊嘅灰塑用梅花牡丹蓮花鰲魚等瑞獸同吉祥圖案做主題,山牆有精美嘅草尾灰塑裝飾。祠堂後面進明間設有安放歷代先祖神位嘅神龕,天井兩邊起咗廂房,右邊廂房設有喺喜慶活動時用嚟烹煮盆菜嘅廚房。

復修[編輯]

梁氏宗祠嘅全面修復工程由古物古蹟辦事處建築署負責監督,主要包括更換已損毀嘅木製構件同進行內外部翻新嘅工程,喺2006年完工,並擇吉日喺2007年6月29號舉行重修開光典禮。

參考/註[編輯]

  1. "新界元朗八鄉元崗村梁氏宗祠列為歷史建築物" (中文). info.gov.hk. 2006-11-17. 喺2011-02-25搵到. Italic or bold markup not allowed in: |publisher= (help)
  2. 鄭樵通志》記載:「梁氏,伯益之後。秦仲有功,周平王封其少子康於夏陽梁山。子孫以國為氏。」

出面網頁[編輯]