盆菜，係香港新界嘅傳統菜餚，已經有幾百年歷史，係一種大雜燴。傳統盆菜用木盆或銻盆裝著。嚮喜慶節日，新居入伙、祠堂開光或者新年點燈，新界嘅鄉下人都會搞盆菜宴。
盆菜嘅食材冇特別規定，不過而家嚮食肆賣嘅會包括蘿蔔、枝竹、魷魚、豬皮、冬菇、雞、鯪魚肉同埋炆豬肉。嚮商業市場上，為咗滿足消費者食得高級嘅要求，所以不少盆菜更包括有花膠、大蝦、鮑魚仔、髮菜、蠔豉、鱔乾等。其實，炆豬肉係整個盆菜嘅精粹所在，最花工夫煮。
而家，大部份賣嘅盤菜係用金屬盆或者陶瓷盆，方便食用之前加熱消毒。
香港盆菜
