光孝堂

出自維基百科,自由嘅百科全書
Jump to navigation Jump to search

座標: 23°7′44.3″N 113°15′1.85″E / 23.128972°N 113.2505139°E / 23.128972; 113.2505139

光孝堂
廣州市文物保護單位
Gzguangxiaotang.JPG
基督教光孝堂
喺邊 廣州市越秀區光孝路29號
近現代重要史跡同代表性建築
時代 1924年
7-81
登錄 2008年12月29號
地圖

光孝堂粵拼gwong1 haau3 tong4)係中國廣東省廣州市入面嘅其中一間比較緊要嘅基督新教教堂,喺越秀區光孝路9號嗰邊。東南邊冇幾遠就係西門口站嘅C出入口。呢間教堂係由旅美華僑基督徒自己組織嘅中華綱紀慎自理傳道會(公理會)返到中國嗰陣,喺1921年12月丼錢起,1924年11月24號搞掂。呢間教堂係廣州比較大嘅其中一間教堂。

結構[編輯]

呢間教堂坐西向東;長35米,闊23米,有26.7米(4層樓)咁高。建築風格係中西式合璧,用意大利批蕩。總面積1,470平方米,堂體比較闊。其中2樓同3樓半可以同時畀1200幾個人入去參拜;而地下部分係辦幼稚園。

[編輯]

喺1872年,有位旅美華僑自己出錢,喺美國三藩市嗰邊起咗間伯大尼大禮拜堂,重喺1886年嗰時組織咗中華綱紀慎自理傳道會,而呢個會係唔受外國差會控制,嚟畀咗黃瑞堂、鄺廣德嚟做董事長。而董事長佢哋係負責厝埋啲傳道會基金,跟住喺中國廣東台山起教堂。喺1894年,傳道會重派咗黃瑞堂同鄺廣德帶錢返到廣州,就喺而家嘅十八甫嗰邊買咗間屋嚟搞宣道堂。而1897年,傳道會就派咗趙哲君嚟做牧師,重安排佢返去廣東嗰頭搞教會會務。而趙君到咗廣州之後就將宣道堂改成「星導書樓」,而大樓入面就裝住西方各種社會同自然科學(冚唪唥同基督教有關嘅嘢)嘅圖書畀人睇。嗰時清政府搞維新戊戍政變而導致書樓冇辦法再經營落去,最後就恢復返辦宣道堂。但係,由於信徒越嚟越多,加上堂舍又鬼咁窄,係時候要整大間喇,結果趙哲君就喺光孝路嗰邊買咗塊地。咁啱嗰時譚沃心牧師返咗嚟廣東,佢除咗擔任神學院教授之外,重俾傳道會嗌咗佢去做總幹事。就係噉,趙哲君同譚沃心就一齊厝錢嚟起間新嘅教堂。而教堂喺1921年12月開始起,起到1924年11月11號先至搞掂,一共丼咗70000蚊毫銀嚟起,「重改咗名嗌中華基督教會光孝堂」嘅名。嗰時重辦咗正光小學同幼稚園(解放之後畀咗越秀區人民政府,而家係光孝幼稚園)同各種短期民眾教育、其他公益事業,結果俾社會猛咁話佢點好。但係佢喺文化大革命嗰陣就唔好彩,由於嗰時嘅紅衛兵殺到教堂入面,用咗24個重就將教堂前面個院入面堆嗰座巨型書山冚唪唥都燒嗮。跟住就捉埋王牧師,用棍嚟威脅佢將墙壁夾層入面,冚唪唥嘅金條畀嗮出嚟,甚至佢重用鉸剪將王牧師屋企冚唪唥啲衫褲剪爛嗮;同埋屋企冚唪唥啲嘢都丼爛嗮。嗰時就係所謂嘅「破四舊[1]。就係噉,間教堂就俾信誠舊貨商店霸咗,一霸就18年咁耐,直到黨嘅十一屆三中全會為止。後嚟1978年中國改革開放之後,由於市政府重新關住咗下宗教信仰嘅自由,就喺1984年底,佢哋將房產畀返嗮教會去管理,而1985——1990年期間,呢間教堂就用咗嚟做臨時會所。其中1988年廣州市兩會入面,決定咗恢復光孝堂為開放堂,嗰時因為年久失修,入面已經喺爛融融到冇得用咁滯。就喺1989年,基督教協會成立咗修建小組嚟厝錢申請重新裝修過,結果市政府有關部門就批准咗呢單嘢,喺1991年2月份開始搞咗個大裝修,而工程喺1991年11月24號先至搞掂,嗰日重新開返堂。之後信徒就過返正常嘅宗教生活。2008年底,光孝堂俾市政府加咗入去廣州市文物保護單位嗰邊[2]

附近嘅交通[編輯]

出面網頁[編輯]

[編輯]

  1. "亲历:永久的悔疚". 羊城晚报. 2008-03-23. (原先內容喺2008-10-10歸檔). 喺2012-09-12搵到. 
  2. "第七批广州市文物保护单位名单". 广州市政府门户网站.