免費試用品
試食
免費，亦即免去應付費用。原本應該畀錢嘅嘢，依家唔使畀錢。受者可以得到財物或服務，唔需要返費用畀提供者。
免費可能出於好意，有好多慈善亦係免費，貧苦者得到幫助。或者有唔方便積存，不如送出都有，等啱用嘅人可以用。
然而商家提供免費，可能為咗宣傳，吸引顧客，得到廣告費用，改善形象，取得統計數據，或者得到個人資料等等。現今互聯網，唔少大公司畀免費服務，佢哋可以收集大數據，得到個人生活習慣、喜好，以大眾嘅行為模式。
俗語有云，無咁隻大蛤乸隨街跳，有啲歹徒，會利用免費招來行騙。
免費相對於英文，為free of charge，好多時只係寫free。
日文寫做無料。日本稱費用為料金，無料為唔使料金咁解。間見於日式舖頭。絕唔係廣東話話人無料。
