共匪餅
共匪餅係臺灣嘉義市一種特色燒餅，餡嘅口味有鹹、甜兩種，鹹嘅夾蘿蔔絲、椰菜絲、粉絲同一隻荷包蛋，甜嘅夾糖粉同花生碎。
呢隻餅源自中國大陸嘅福建福州，由一個中國大陸女人帶到去嘉義賣，嗰度嘅人講笑噉話係「共匪」賣嘅餅，所以就叫「共匪餅」。最先賣呢隻餅嘅舖頭叫「大陸妹共匪餅」[1]。
相關事件
[編輯]香港無綫電視喺2020年9月22號播映臺灣製作嘅外購節目《愛玩客之自遊神》入面有介紹呢隻餅，事後立場親中共嘅無綫電視話呢隻餅個名「帶侮辱性」，結果將嗰一集網上重溫落架[2]，繼而停播成個節目[3]，有評論指無綫電視有咁嘅反應係因為港版國安法所以自我審查[4]。
參考
[編輯]- ↑ 〈大台是是但但 無綫J2台旅遊節目介紹「油炸共匪餅」 網民：呢個直接到兜唔到〉。《蘋果日報（香港）》。2020-09-23。原著喺2021-02-11歸檔。喺2020-09-23搵到。
- ↑ 〈TVB 外購旅遊節目介紹「共匪餅」 網民嘲「作反」 急下架稱帶「侮辱性」〉。《立場新聞》。2020-09-23。原著喺2021-02-11歸檔。喺2020-09-23搵到。
- ↑ 星島日報。〈TVB外購節目惹政治爭議擬停播〉。std.stheadline.com (中文)。喺2020-09-29搵到。
- ↑ 〈介紹台灣「共匪餅」踩紅線 親共港媒急撤影片〉。自由時報。2020-09-28。
