刁時（英文：deuce；法文：deux，意思係 ｢2｣），係球賽一種規則，起源自網球。當對賽雙方打到距離決勝分差1分嗰陣重係打和（網球係40–40），其中一方一定要領先對方2分先至贏到，除咗網球之外，乒乓波、羽毛球、排球、壁球、三人籃球都有類似嘅規則。
呢類項目一般會有指定嘅得分目標，例如乒乓波一局11分、羽毛球、排球、沙灘排球同埋三人籃球一局21分等等，其中一方首先攞到指定得分嘅時候，如果未攞到兩分領先，即係代表雙方比數叮噹馬頭，因此採取刁時嘅模式，可以減少分數差距。
