北極熊

出自維基百科,自由嘅百科全書
How to read a taxoboxWikipedia:點樣睇生物分類框
How to read a taxobox
北極熊

瀕危指標
物種分類
動物界 Animalia
脊索動物門 Chordata
哺乳綱 Mammalia
食肉目 Carnivora
熊科 Ursidae
熊屬 Ursus
U. maritimus
二元學名
Ursus maritimus
Phipps, 1774
北極熊既分布
北極熊既分布
別名

Thalarctos marittimus

北極熊,又叫做白熊,係喺北極圈裏面土生土長嘅,亦係現存陸上最大型嘅食肉動物之一。佢係位於北極裏面食物鏈嘅最頂層。佢擁有極厚嘅脂肪毛髮嚟保暖,外表雪白,喺雪地上係良好嘅保護色,但裏面皮膚其實係黑色嘅。而且佢可以喺陸上同海上捉嘢食,所以佢能夠喺北極呢種極嚴酷嘅氣候入面生存。

活動範圍[編輯]

北極熊係一種圍繞極地生存嘅動物,佢哋嘅活動範圍主要響北冰洋附近,而最南嘅可以喺有浮冰出沒嘅地方搵到佢哋(現時可以搵到佢哋最南方嘅係加拿大詹姆士灣)。而最北可以喺北緯88度發現佢哋,而且有證據指佢哋會橫越北極點

佢哋嘅主要活動中心為︰

溫室效應導致北極冰川融化,開始危及佢哋嘅生存,有分析顯示佢哋可能會喺21世紀絕種。呢個趨勢可以由佢哋活動範圍嘅最南端一路向北遷移睇得出,而家啲人亦冇任何計劃將佢哋移居至其他適合佢哋生存嘅環境,好似南極洲

體型同體重[編輯]

北極熊作為最大型嘅陸上食肉動物,佢擁有老虎兩倍嘅體積同獅子兩倍嘅重量,成年雄性北極熊大概重400至600公斤,最極端嘅甚至超過800公斤。成年嘅雌性北極熊嘅體積大概係雄性嘅一半,而重量就大概係200至300公斤。成年雄性北極熊大概高2.4至2.6米,而成年雌性北極熊就大概高1.9至2.1米。啱啱出世嘅北極熊大概只重600至700克。現存北極熊數量大概係16000至35000隻,其中大概60%活躍於加拿大

亞種[編輯]

普遍認為北極熊冇仍然生存嘅亞種。事實上因為北極熊同棕熊可以交配出可以繁殖後代嘅雜種,所以亦可以將北極熊視為棕熊嘅亞種。

北極熊嘅種類數仍然係統計緊,IUCN/SSC Polar Bear Specialist Group(PBSG)呢個國際性研究及管理北極熊事務嘅科學團隊大概確認咗20種唔同嘅北極熊種類,而其他科學家就大約確認咗6種唔同嘅北極熊種類,但冇任何仍然生存嘅亞種︰

  1. 楚克奇海,主要喺蘭格爾島同西阿拉斯加繁殖
  2. 波弗特海,主要喺北同埋西北阿拉斯加以及西北加拿大繁殖
  3. 加拿大北極領地同其中嘅群島
  4. 格陵蘭
  5. 斯瓦爾巴-法蘭士約瑟蘭
  6. 西伯利亞中部

毛髮同皮膚[編輯]

北極熊嘅鼻同皮膚係黑色嘅,但係同毛嘅顏色好唔同。喺佢哋甩毛嗰陣,啲毛係白色,夏天嗰陣啲毛俾陽光氧化為黃色,有時重會顯示到綠色。佢哋啲毛嘅作用係為咗提供極佳嘅保護色同禦寒能力。好多人幻想啲北極熊打獵嗰陣會冚住黑色嘅鼻,驚俾獵物發現,但係到目前為止仍然未有科學家觀察到。不過,佢哋瞓覺嗰陣會冚住口同鼻,可能係為咗禦寒。腳掌嘅毛變得僵硬,亦係為咗防止身體熱量流失。

同其他喺北極生活嘅動物唔同,北極熊永遠唔會喺夏天甩外皮令身體變得較為陰暗。佢啲毛係透明同無上色嘅(就好似裏面嘅一滴水點)。啲毛之所以顯示係白色而唔係透明就好似當水點匯聚成雲後,雲都唔係透明呢個道理一樣。啲毛吸收咗紫外光,因此並唔會傳送光同熱到皮膚。但係,啲毛反而令佢哋會喺10 °C(50 °F)以上嘅地方變得過熱,亦因為咁,佢哋並唔可以喺紅外線下生存。

2005年7月,少數喺波菲特動物園嘅北極熊,外表因為藻類毛管上生長而變成綠色,而芝加哥當年嘅氣候極之悶熱。但係動物園嗰邊並無採任何行動,因為過去嘅經驗係藻類嘅生長對北極熊並無負面影響。動物園職員認為畀北極熊曝露喺氯氣漂白劑之下對佢造成嘅傷害重大。2004年2月,兩隻喺新加坡動物園嘅北極熊外表亦因為咁變咗綠色。動物園發言人指咁係因為新加坡悶熱嘅天氣令藻類容易生長。受影響嘅北極熊俾過氧化氫沖洗後就回復返原來嘅顏色。呢種情況喺1979年夏天聖地牙哥動物園亦出現過,但嗰次係用鹽水來幫受影響嘅北極熊治療。

習性同嘢食[編輯]

北極熊係熊科之中最鍾意食肉嘅動物,亦係同類動物之中最鍾意食嘅。佢哋主要食海豹,尤其係環斑海豹,不過佢哋亦會食任何能夠俾佢獵殺嘅動物,好似貝類、甚至白鯨

北極熊游水好掂,佢哋通常可以喺離大陸幾里嘅地方出沒。咁可能係佢哋開始進化到喺海捕捉獵物嘅訊號,但最近有證據顯示出咁係因為溫室效造成冰川融化而令佢哋焗住噉做。佢哋喺陸上獵食嘅效率亦好高,咁係因為佢哋奔走速度奇高,甚至跑得快過人。

作為食好多魚嘅食肉動物,北極熊消化咗大量維他命A,並儲喺個度,以前人類經常因為唔知情而食咗北極熊嘅肝而導致中毒。雖然成日食好多肉,但佢哋亦會食腐肉,例如擱淺嘅鯨魚,此外亦會食蔬菜類,主要係生長喺晚夏嘅漿果樹根。喺可預見嘅未來,佢哋亦有可能會發展出進食食物殘渣嘅能力,因為喺加拿大曼尼托巴·邱吉爾附近經常有北極熊翻倒垃圾筒揾嘢食,甚至有人見過佢哋食潤滑劑同埋車用潤滑油

因為喺北極嘅水抑係就被冰封,抑係就太多鹽而唔適宜飲用。佢哋主要液體來源係獵物嘅。然而,如果北極熊長時間唔夠嘢食,佢哋嘅新陳代謝會移向冬眠狀態,因為北極熊能夠有效咁由皮下脂肪提取能量同水,佢啲血亦可以容忍較高濃度嘅尿素尿酸同埋肌酸酐,大部份動物如果係咁一早已經死咗。北極熊唔同其他熊,佢哋並唔會冬眠,因為佢哋已經適應咗寒冷天氣。

北極熊唔識捕食嘅包括海象同埋成年鯨魚:成年鯨魚體形太大,北極熊捉唔到;海象嘅長角連北極霸王北極熊都驚,海象有時重會攻擊北極熊。

繁殖[編輯]

北極熊喺春天交配,雄性同埋雌性北極熊會短暫配對,目的只係為咗傳宗接代而唔係永久結合。雌性北極熊嘅懷孕期係240日,北極熊BB通常會喺早冬出世。北極熊一胎通常會有2隻,有啲一胎會有3隻,最高紀錄係一胎4隻。同其他熊屬嘅熊相似,啱啱出世嘅北極熊好細隻,大概長30厘米重700克,兼且佢哋出世嗰陣係無人幫手同埋合埋對眼。佢哋去到大概1個月大對眼至會打開,個半月大就識行,4至5個月大會斷奶。佢哋會同阿媽一齊打獵至10個月大。3至4歲就可以傳宗接代。成年北極熊可以活到30歲。北極熊唔會主動冬眠,而雌性北極熊唔會喺仔女重細嗰陣離開佢住嘅窿,佢哋會留喺個窿度以轉換佢體內儲存嘅皮下脂肪嚟分泌乳液餵BB同埋為自己提供所需營養。

種類進化史[編輯]

人類認為浣熊類動物同熊類已經喺地球上生活咗3000萬年咁耐,而大概1300萬年前,眼鏡熊由其他熊類動物分離出來。而喺大概600萬年前,熊類大約分6種。而棕熊同埋北極熊就係喺大概200萬年前由同一祖先分離出嚟嘅兩個唔同種類,但佢哋會互相交配孕育出其他雜種。北極熊大概喺1萬至2萬年前至冇咗棕熊有嘅臼齒

文化同埋娛樂[編輯]

喺國際政治上成日用嚟代表俄羅斯蘇聯)。

北極熊因為佢哋獨特嘅白色毛髮及繁殖地引嚟爭議及聞名。好多公司好似可口可樂克隆代克用北極熊做商標,此外,電視劇Lost經常播放北極熊喺小島上活動嘅情況,雖然好多人相信佢哋喺節目出現同The Dharma Initiative有關。內瓦納公司,一間為兒童製作卡通片嘅製片公司,正係以北極熊作為佢哋嘅製作商標。

保育狀況[編輯]

文獻記錄最早飼養北極熊嘅年份大約係公元前3世紀,托勒密二世可能喺埃及養過人類史上第一隻北極熊。美國第一隻北極熊係喺1859年被送到費城動物園,而德國亦喺1888年從馬戲團中得到。香港海洋公園發展藍圖其中一個項目亦係養北極熊。

[編輯]

睇埋[編輯]

[編輯]

  1. Schliebe et al (2006). Ursus maritimus. 2006 IUCN Red List of Threatened Species. IUCN 2006. Retrieved on 09 May 2006. Database entry includes a lengthy justification of why this species is listed as vulnerable.