千與千尋

出自維基百科,自由嘅百科全書
跳去導覽 跳去搵嘢
千與千尋
資料明細
導演宮崎駿
監製Toshio Suzuki[*]
編劇宮崎駿
攝影Atsushi Okui[*]
製片商知步里工作室
產地日本
日文
上畫同發行
上畫日期2001年7月20號
德國:2003年6月19號

千與千尋》(粵拼cin1 jyu5 cin1 cam4日文千と千尋の神隠し)係一部由知步里工作室制作嘅日本動畫電影劇本導演宮崎駿。《千與千尋》2001年7月20號喺日本首映,同年12月香港臺灣上畫,翌年9月20號美國上畫。套片世界知名,攞過好多獎。

套片喺日本國內票房,創下空前紀錄,有316億日圓,係日本史票房最高電影。

故仔[編輯]

十歲嘅千尋同佢亞爸亞媽揸車去緊新嘅屋企。途中,千尋老竇因為揸錯方向,搞到架車停咗喺條荒廢咗嘅隧道前面。因為亞爸亞媽嘅好奇心,千尋唔情願噉逼住同佢哋一齊過咗條隧道,意外嚟到咗個冇人住嘅城市。千尋望到一間好靚嘅油屋,行去嗰陣喺條橋度遇到一個叫白龍嘅男仔,佢警告千尋要喺日落之前返返去佢原本個世界。但係,千尋發現已經太遲喇,佢亞爸亞媽因為喺餐廳擅自食咗原先要畀神靈食嘅嘢食而變咗兩隻豬,而千尋原先返去嗰條路亦都畀洪水擋住咗。夜幕降臨,好多鬼怪喺條街度浮現,又驚又無助嘅千尋喺笪地度,重發現自己個身體變得越嚟越透明,好似就嚟消失噉,呢個時候再次出現嘅白龍幫咗佢。

白龍建議千尋去鍋爐爺爺度搵工做,因為唔做嘢嘅人會畀湯婆婆變做豬。而且,千尋需要喺呢個世界度生存落去,先有機會去救返佢亞爸亞媽同返返去原來嘅世界。於是乎,千尋去咗搵鍋爐爺爺,但係鍋爐爺爺已經夠嗮人手,就叫油屋工人小玲將千尋送去呢間澡堂嘅事頭婆女巫湯婆婆度。湯婆婆諗住嚇走千尋,但因為千尋嘅堅持,湯婆婆卒之請咗佢做嘢。湯婆婆剝奪咗千尋個名,重將佢個名改做「小千」,然後吩咐佢喺呢間專畀800萬神靈沖涼嘅油屋度做嘢。白龍帶千尋去見佢亞爸亞媽,千尋見到自己亞爸亞媽變咗做豬而喊咗出嚟,重叫佢哋「千祈唔好食咁肥,如果唔係會畀人劏」。後嚟白龍話畀千尋知,湯婆婆係靠攞走人哋個名嚟主宰呢度所有人,如果千尋唔記得自己個真名,佢就會好似自己噉返唔到去原來嘅世界。但係,由於某啲原因,白龍話佢雖然唔記得自己個名,但偏偏記得千尋呢個名,重話自己好耐之前就已經識得千尋。

千尋因為係人類而受到第啲浴室工人嘅厭惡,不過佢仍然有鍋爐爺爺同小玲嘅帶挈。喺做嘢嗰陣,千尋因為覺得無面人係客人而畀咗佢入嚟。千尋同小玲嘅第一位人客係臭到連飯都變霉嘅腐爛神,後嚟千尋發現原來佢係嚟自被污染嘅河流嘅神靈「河神」。喺千尋幫佢掹走嗮體内嘅垃圾之後,河神畀咗千尋一粒「河神之丸」,重留咗啲黃金碎喺笪地度。同時間,無面人變咗好多由河神留低嘅黃金出嚟,用呢啲黃金誘惑工人,跟手靜靜雞食佢落肚。由於佢可以變黃金出嚟,無面人受到成間油店嘅人嘅愛戴。無面人變咗好多黃金畀千尋,但係千尋唔要,於是後嚟無面人又生吞咗另外兩個人,令到油店陷入咗恐慌。

千尋睇到一啲紙公仔襲擊緊一條白色嘅龍,千尋認到呢條龍就係白龍。當受咗傷嘅白龍跌咗落去湯婆婆嘅閣仔嗰陣,千尋跟埋佢上去。匿埋喺千尋背脊嘅紙公仔變身做湯婆婆嘅孖生家姐錢婆婆。佢將湯婆婆個孫仔「寶寶」變咗隻老鼠,重將湯婆婆嘅哈比變做隻雀仔。錢婆婆話畀千尋知白龍為咗跟佢妹妹湯婆婆學法術而偷走咗佢嘅魔女印章,重話凡係偷走咗印章嘅人都會死。白龍整爛咗紙公仔令到錢婆婆消失。白龍同千尋、老鼠同雀仔一齊跌咗入去鍋爐爺爺間房,千尋咬開一半河神之丸畀白龍食,令佢嘔返個魔女印章同一條黑鼆鼆嘅蟲出嚟,千尋用腳踩扁咗條蟲。

當時,生呑咗三條友嘅無面人要求要見千尋,打算再用嘢食吸引佢。但千尋冇受到誘惑,反而畀無面人食埋本身留畀佢亞爸亞媽嘅嗰半舊河神之丸,令到無面人嘔返嗰三個人出嚟。由於白龍重昏迷緊,千尋決定將印章還返畀錢婆婆同向佢講對唔住。鍋爐爺爺畀咗千尋幾張去錢婆婆屋企嘅火車飛,但係就話近排去錢婆婆屋企嘅火車都係有去冇回,分分鐘可能返唔到嚟,但係千尋為咗白龍仍然決定要去。小玲將千尋送到火車軌旁邊,千尋叫埋無面人同老鼠、雀仔一齊坐上火車,千尋相信無面人離開油屋之後心地會變返善良。火車到站之後,千尋到咗錢婆婆屋企同還返個印章畀佢,錢婆婆同無面人、老鼠、雀仔一齊織咗條紫色髮夾送畀千尋,叫佢綁喺啲頭髮度。

另一邊,已經醒返嘅白龍話畀湯婆婆知,佢最心愛嘅嘢已經畀人偷龍轉鳳咗。白龍要脅湯婆婆話自己可以幫手搵佢個孫返嚟,前提係要畀千尋同佢亞爸亞媽返去原本嘅世界。白龍以龍嘅形態嚟到錢婆婆屋企,白龍得到咗錢婆婆嘅原諒,同千尋佢哋一齊返去油屋,而無面人就留喺錢婆婆屋企做助手。一路走嚟,千尋意識到佢細細個嗰陣時跌咗落去嘅嗰條河就係白龍嘅真實身份。喺千尋細個嗰時,佢為咗執返對鞋而跌咗落河,白龍將千尋帶到淺灘而救咗佢。當千尋話畀白龍知呢件事嗰陣,白龍亦都搵返自己個真名。

返到油屋之後,白龍要求湯婆婆即刻放咗千尋同佢亞爸亞媽。呢次,油屋工人亦都企喺千尋嗰邊。湯婆婆就命令千尋喺一堆豬入面搵返佢亞爸亞媽出嚟,成功咗先可以打破詛咒返去原本嘅世界,但係淨係有一次機會。千尋話呢堆豬入面根本冇佢亞爸亞媽之後,成功打破咗詛咒,於是喺油屋工人嘅祝福底下同白龍一齊離開咗油屋。當白龍同千尋到達同人類世界之間嘅邊界嗰陣,原先變咗做嘅嗰條路變返做草原。白龍同千尋講,佢只可以送到嚟呢度,叫千尋沿住初初走入嚟嗰條路行返出去,而且千祈唔可以望返轉頭,直至走出隧道為止。白龍同千尋講佢唔會再做湯婆婆嘅徒弟,而且總有一日會返返去原本嘅世界,同千尋再次見面。千尋跟住白龍嘅指示,嚟到咗初初入嚟嘅隧道前面。變返做人嘅亞爸亞媽喺隧道口前面等緊。千尋經過咗嗰條隧道返咗去原本嘅世界,好似乜都冇發生過噉。隧道嘅外觀好似同千尋嚟嗰陣個樣有啲唔同,千尋擰轉頭望返條隧道,但係已經冇咗喺另一個世界嘅記憶。之不過,千尋喺錢婆婆度攞到嘅嗰條由大家嘅力量織出嚟嘅紫色髮夾仍然綁緊喺千尋嘅頭髮,而且重開始發光。最後,千尋返上架車度,架車慢慢駛離隧道口,去緊佢哋新嘅屋企。

登場人物[編輯]

主要人物[編輯]

荻野 千尋dik6 je5 cin1 cam4(おぎの ちひろ) / 小千siu2 cin1(せん)
配音 - 柊瑠美Flag of Japan.svg 日本)、高可慧 香港
白龍baak6 lung4(ハク) / 賑早見 琥珀川zan3 zou2 gin3 fu2 paak3 cyun1(ニギハヤミコハクヌシ)
配音 - 入野自由Flag of Japan.svg 日本)、陳安瑩 香港

配音員[編輯]

配音 角色
Flag of Japan.svg日文版 Flag of Hong Kong.svg粵語版
柊瑠美 高可慧 荻野千尋(おぎの ちひろ)/小千(せん)
入野自由 陳安瑩 白龍(ハク)
夏木麻里 徐愛貞 湯婆婆(ゆばーば)同錢婆婆(ぜにーば)
菅原文太日文菅原文太 戴偉光 鍋爐爺爺(かまじい)
中村彰男日文中村彰男 用原音 無面人(カオナシ)
玉井夕海日文玉井夕海 朱慧玲 小玲(リン)
神木隆之介 蘇熙婷 寶寶(ぼう)
內藤剛志日文内藤剛志 盧雄 荻野明夫(おぎの あきお)
澤口靖子 陳靖允 荻野悠子(おぎの ゆうこ)
上條恒彥日文上條恒彦 父役(ちちやく)
小野武彥日文小野武彦 兄役(あにやく)
我修院達也日文我修院達也 黎海文 青蛙(あおがえる)
大泉洋 陳偉權 番台蛙(ばんだいかえる)
安田顯 用原音 御白樣(ススワタリ)
小林郁夫日文はやし・こば 河神(かわのかみ)

發布[編輯]

票房[編輯]

根據日本電影製片人協會報導,《千與千尋》喺2001年7月20號由發行商東寶喺日本戲院上畫,票房收入304億,係日本史上票房最高嘅電影[1]。截至2020年,日本票房總額已經增加到316.8億円,亦係喺美國上畫前喺全球票房攞到2億美金嘅第一套戲。由Lasseter監督嘅迪士尼英文電影配音版喺2002年9月7號喺多倫多國際電影節度首映,跟住喺2002年9月20號喺北美上畫。《千與千尋》嘅市場營銷好少,少過迪士尼嘅第啲電影,2002年最多有151間戲院播過呢套電影。喺2003年攞到奧斯卡金像獎最佳動畫片之後,擴大到超過714間戲院都有播《千與千尋》。喺日本同美國以外嘅地區,呢套戲分別喺韓國法國都取得咗成功,分別有1100萬美金同600萬美金嘅票房。喺阿根廷,呢套戲係最賣座嘅十大動漫電影之一[2]。《千與千尋》喺日本上畫之後約莫18年,喺2019年6月21號喺中國大陸上畫。截至2020年,佢嘅全球票房總額超過3.83億美金[3]

上一任
珍珠港日文パール・ハーバー
Flag of Japan.svg 2001年日本週末票房冠軍日文2001年日本週末興行成績1位の映画の一覧
第29週-39週
下一任
盜墓者羅拉英文Lara Croft: Tomb Raider
上一任
《盜墓者羅拉》
Flag of Japan.svg 2001年日本週末票房冠軍日文2001年日本週末興行成績1位の映画の一覧
第41週-44週
下一任
冷静と情熱のあいだ日文冷静と情熱のあいだ
上一任
黑超特警組:反轉世界
Flag of the People's Republic of China.svg 2019年中國大陸一週票房冠軍
第24週
下一任
蜘蛛俠:決戰千里

攞獎同提名[編輯]

攞獎同提名
主辦單位 項目 結果
2001年 日本網路電影大獎 日本電影作品獎 攞獎[4]
第5屆文部省文化廳媒體藝術祭 動畫部門大獎 攞獎[5]
第6屆神戶動畫獎 最佳劇場部門作品 攞獎[6]
第14屆日刊體育電影大獎 作品獎 攞獎[7]
第19屆全國興業環境衛生同業組合連合會GlodenGross大獎 最優秀金獎 攞獎[8]
第44屆藍絲帶獎 作品獎 攞獎[9]
第26屆報知電影獎 導演獎 攞獎
第56屆每日電影獎 日本電影迷獎 攞獎[10]
最佳動畫電影 攞獎[10]
2002年 東京動畫獎 年度最佳動畫 攞獎[11]
東京國際動畫博覽會 大獎賽作品 攞獎[12]
日本電影電視製作協會金色飛翔獎 電影部門作品獎 攞獎[13]
全州國際電影節 觀眾獎 攞獎[14]
阿姆斯特丹國際兒童影展 電影獎 攞獎[15]
國家評論協會 最佳動畫電影 攞獎[16]
線上影評人協會 最佳動畫電影 攞獎[17]
波士頓影評人協會 特別推薦作品 攞獎[18]
舊金山國際影展 最佳劇情長片 攞獎[19]
猶他影評人協會獎 最佳影片 攞獎[20]
最佳非英語電影 攞獎[20]
第5屆文化廳媒體藝術祭 動畫部門大獎 攞獎[21]
第21屆香港電影金像獎 最佳亞洲電影 攞獎[22]
第25回日本電影金像獎 最佳电影獎 攞獎[23]
JASRAC獎 金獎 攞獎
第28屆洛杉磯影評人協會 最佳動畫電影 攞獎[24]
第52屆柏林影展 金熊獎 攞獎 [25]
第68屆紐約線上影評人協會 最佳動畫電影 攞獎[26]
2003年 阿姆斯特丹奇幻影展 銀色呼嘯獎 攞獎[27]
鳳凰城影評人協會 最佳動畫電影 攞獎[28]
第7屆衛星獎 動畫電影獎 攞獎[29]
第8屆評論家選擇獎 最優秀動畫電影獎 攞獎[30]
第29屆土星獎 最佳動畫電影獎 攞獎[31]
第30屆安妮獎 安妮獎最佳動畫片獎 攞獎[32]
第75屆奧斯卡金像獎 奧斯卡最佳動畫片獎 攞獎[33]
2004年 第57屆英國電影學院獎 最佳非英語電影 提名[34]

睇埋[編輯]

  • Boyd, James W., and Tetsuya Nishimura. 2004. "Shinto Perspectives in Miyazaki's Anime Film 'Spirited Away'." The Journal of Religion and Film 8(2).
  • Broderick, Mick (2003). "Intersections Review, Spirited Away by Miyazaki's Fantasy". Intersections: Gender, History and Culture in the Asian Context (9). 喺5 June 2016搵到.
  • Callis, Cari. 2010. "Nothing that Happens is ever Forgotten." In Anime and Philosophy, edited by J. Steiff and T. D. Tamplin. New York: Open Court. ISBN 9780812697131.
  • Cavallaro, Dani (2006). The Animé Art of Hayao Miyazaki. Jefferson, N.C.: McFarland & Co. ISBN 9780786423699.
  • Cooper, Damon (1 November 2010), "Finding the spirit within: a critical analysis of film techniques in spirited Away.(Critical essay)", Babel, Australian Federation of Modern Language Teachers Associations,第45卷第1號, pp. 30(6), ISSN 0005-3503
  • Coyle, Rebecca (2010). Drawn to Sound: Animation Film Music and Sonicity. Equinox Publishing. ISBN 978-1-84553-352-6. Drawn to Sound focuses on feature-length, widely distributed films released in the period since World War II, from producers in the USA, UK, Japan and France-from Animal Farm (1954) to Happy Feet (2006), Yellow Submarine (1968) to Curse of the Were-Rabbit (2005), Spirited Away (2001) and Les Triplettes de Belleville (2003).
  • Denison, Rayna (2008). "The global markets for anime: Miyazaki Hayao's Spirited away (2001)". 出自 Phillips, Alastair; Stringer, Julian (編). Japanese Cinema: Texts and Contexts. Routledge. ISBN 978-0-415-32847-0.
  • Fielding, Julien R. (2008). Discovering World Religions at 24 Frames Per Second. Scarecrow Press. ISBN 978-0-8108-5996-8. Several films with a 'cult-like' following are also discussed, such as Fight Club, Princess Mononoke, Spirited Away, and Jacob's Ladder.
  • Fox, Kit. "Spirited Away". Animerica. 原著喺7 April 2004歸檔.
  • Galbraith IV, Stuart (2008). The Toho Studios Story: A History and Complete Filmography. Scarecrow Press. ISBN 978-0-8108-6004-9. Since its inception in 1933, Toho Co., Ltd., Japan's most famous movie production company and distributor, has produced and/or distributed some of the most notable films ever to come out of Asia, including Seven Samurai, Godzilla, When a Woman Ascends the Stairs, Kwaidan, Woman in the Dunes, Ran, Shall We Dance?, Ringu, and Spirited Away.
  • Geortz, Dee (2009). "The hero with the thousand-and-first face: Miyazaki's girl quester in Spirited away and Campbell's Monomyth". 出自 Perlich, John; Whitt, David (編). Millennial Mythmaking: Essays on the Power of Science Fiction and Fantasy Literature, Films and Games. McFarland. ISBN 978-0-7864-4562-2.
  • Hooks, Ed (2005). "Spirited Away". Acting in Animation: A Look at 12 Films. Heinemann Drama. ISBN 978-0-325-00705-2.
  • Knox, Julian (22 June 2011), "Hoffmann, Goethe, and Miyazaki's Spirited Away.(E.T.A. Hoffmann, Johann Wolfgang von Goethe, and Hayao Miyazaki)(Critical essay)", Wordsworth Circle, Wordsworth Circle, 42 (3): 198(3), doi:10.1086/TWC24043148, ISSN 0043-8006 Unknown parameter |s2cid= ignored (help)
  • Matthews, Kate (2006), "Logic and Narrative in 'Spirited Away'", Screen Education (43): 135–140, ISSN 1449-857X
  • Napier, Susan J. (2005). Anime from Akira to Howl's Moving Castle: Experiencing Contemporary Japanese Animation. Palgrave Macmillan. ISBN 978-1-4039-7051-0.
  • Osmond, Andrew (2008). Spirited away = Sen to Chihiro no kamikakushi. Basingstoke [England]: Palgrave Macmillan on behalf of the British Film Institute. ISBN 978-1844572304.
  • Suzuki, Ayumi. 2009. "A nightmare of capitalist Japan: Spirited Away", Jump Cut 51
  • Yang, Andrew. 2010. "The Two Japans of 'Spirited Away'." International Journal of Comic Art 12(1):435–52.
  • Yoshioka, Shiro (2008). "Heart of Japaneseness: History and Nostalgia in Hayao Miyazaki's Spirited Away". 出自 MacWilliams, Mark W (編). Japanese Visual Culture: Explorations in the World of Manga and Anime. M.E. Sharpe. ISBN 978-0-7656-1601-2.

[編輯]

  1. Sudo, Yoko (4 June 2014). "'Frozen' Ranks as Third-Biggest Hit in Japan". The Wall Street Journal. 原先內容歸檔喺6 February 2017. 喺27 June 2014搵到. Walt Disney's Frozen has surpassed ¥21.2 billion (about $212 million) in box office sales as of this week and now ranks as the third-highest-grossing movie ever in Japan, according to the company ... Having topped Harry Potter and the Sorcerer's Stone, Frozen now trails only Titanic, which opened in 1997 and grossed ¥26.2 billion, and Hayao Miyazaki's Spirited Away, which opened in 2001 and brought in ¥30.4 billion, according to the Motion Picture Producers Association of Japan Inc.
  2. Oliveros, Mariano (23 July 2015). "Los films de anime que lideran la taquilla argentina" (西班牙文). Ultracine. 原先內容歸檔喺17 November 2015. 喺14 November 2015搵到.
  3. "Spirited Away – All Releases". Box Office Mojo. 喺25 October 2019搵到.
  4. 日本インターネット映画大賞(旧ニフティ映画大賞)過去の受賞結果. 日本インターネット映画大賞運営委員会 (日文). 原著喺2017-08-05歸檔. 喺2016-07-01搵到. Unknown parameter |deadurl= ignored (help)
  5. アニメーション部門 受賞作品. 文化廳媒體藝術祭 (日文). 原著喺2016-05-07歸檔. 喺2016-07-01搵到. Unknown parameter |deadurl= ignored (help)
  6. 第6回アニメーション神戸賞 授賞決定!. 神戶動畫獎 (日文). 原著喺2011-05-21歸檔. 喺2016-07-01搵到. Unknown parameter |deadurl= ignored (help)
  7. 日刊スポーツ映画大賞. 日刊體育 (日文). 原著喺2017-01-24歸檔. 喺2016-07-01搵到. Unknown parameter |deadurl= ignored (help)
  8. 第19回ゴールデングロス賞受賞作品. Japan Association of TheaterOwners (日文). 原著喺2016-03-04歸檔. 喺2016-07-01搵到. Unknown parameter |deadurl= ignored (help)
  9. ブルーリボン賞 2001年・第44回. All Cinema (日文). 原著喺2013-07-27歸檔. 喺2016-07-01搵到. Unknown parameter |deadurl= ignored (help)
  10. 10.0 10.1 毎日映画コンクール 第56回(2001年 (日文). 每日新聞. 原著喺2017-06-03歸檔. 喺2016-07-01搵到. Unknown parameter |deadurl= ignored (help)
  11. 引用錯誤 無效嘅<ref>標籤; 無文字提供於名為Tokyoanime嘅參照
  12. 「新世紀東京国際アニメフェア21」コンペティションにて当社作品受賞について. 東映動畫 (日文). 2002-02-15. 原著喺2017-01-11歸檔. 喺2016-07-01搵到. Unknown parameter |deadurl= ignored (help)
  13. エランドール賞歴代受賞者一覧. All Nippon Producers Association (日文). 原著喺2015-05-06歸檔. 喺2016-07-01搵到. Unknown parameter |deadurl= ignored (help)
  14. "Jeonju Film Festivals". IMDB (英文). 喺2018-04-19搵到.
  15. Marlene Edmunds (2002-10-21). 'Bird,' 'Spirited' nab kid kudos (英文). 綜藝. 原著喺2016-03-04歸檔. 喺2016-07-01搵到. Unknown parameter |dead-url= ignored (help); Invalid |script-title=: unknown language code (help)
  16. "2002 Award Winners". 國家評論協會 (英文). 原著喺2017-01-07歸檔. 喺2016-07-01搵到. Unknown parameter |deadurl= ignored (help)
  17. Ryan Ball (2003-01-06). "Sweeps off With Online Film Critics Award". AnimationMagazine.Net (英文). 原著喺2016-08-10歸檔. 喺2016-07-01搵到. Unknown parameter |deadurl= ignored (help)
  18. "Boston Society of Film Critics Awards". IMDB (英文). 原著喺2016-04-07歸檔. 喺2016-07-01搵到. Unknown parameter |deadurl= ignored (help)
  19. "San Francisco International Film Festival". IMDB (英文). 喺2018-04-19搵到.
  20. 20.0 20.1 "Utah Film Critics Association Awards". IMDB (英文). 原著喺2017-03-17歸檔. 喺2016-07-01搵到. Unknown parameter |deadurl= ignored (help)
  21. アニメーション部門 受賞作品. 文化廳媒體藝術祭 (日文). 原著喺2016-05-07歸檔. 喺2018-04-19搵到. Unknown parameter |deadurl= ignored (help)
  22. "第21屆香港電影金像獎得獎名單". 香港電影金像獎 (中文). 原著喺2013-08-05歸檔. 喺2013-08-09搵到. Unknown parameter |deadurl= ignored (help)
  23. 第25回日本アカデミー賞優秀作品. 日本電影金像獎 (日文). 原著喺2012-03-05歸檔. 喺2012-05-14搵到. Unknown parameter |deadurl= ignored (help)
  24. "2002 Los Angeles Film Critics Association Awards". Awards And Winners (英文). 原著喺2016-08-15歸檔. 喺2016-07-01搵到. Unknown parameter |deadurl= ignored (help)
  25. 引用錯誤 無效嘅<ref>標籤; 無文字提供於名為Berlinale嘅參照
  26. "NYFCO AWARDS 2001-2013". 紐約線上影評人協會 (英文). 原著喺2017-02-03歸檔. 喺2016-07-01搵到. Unknown parameter |deadurl= ignored (help)
  27. "Amsterdam Fantastic Film Festival". IMDB (英文). 原著喺2017-03-17歸檔. 喺2016-07-01搵到. Unknown parameter |dead-url= ignored (help)
  28. "Phoenix Film Critics Society Awards". IMDB (英文). 原著喺2018-05-18歸檔. 喺2018-04-19搵到. Unknown parameter |dead-url= ignored (help)
  29. "Satellite Awards". IMDB (英文). 原著喺2016-08-12歸檔. 喺2016-07-01搵到. Unknown parameter |deadurl= ignored (help)
  30. "Spirited Away Wins Critics Choice Award". AnimeNews Network (英文). 2003-01-20. 原著喺2016-05-23歸檔. 喺2016-07-01搵到. Unknown parameter |deadurl= ignored (help)
  31. "Spirited Away wins Saturn". AnimeNews Network (英文). 2003-05-21. 原著喺2016-05-22歸檔. 喺2016-07-01搵到. Unknown parameter |deadurl= ignored (help)
  32. "30th Annual Annie Award Nominees and Winners (2002)". 安妮獎 (英文). 原著喺2017-02-09歸檔. 喺2016-07-01搵到. Unknown parameter |deadurl= ignored (help)
  33. 引用錯誤 無效嘅<ref>標籤; 無文字提供於名為Oscars嘅參照
  34. "Bafta awards 2004: The winners". BBC (英文). 2004-02-15. 原著喺2011-08-08歸檔. 喺2016-07-01搵到. Unknown parameter |deadurl= ignored (help)

[編輯]