卑利得

卑利得，KC（英文：David Perry），英國資深刑事大律師。2021年1月《泰晤士報》以大字標題指出，佢係起訴香港民主運動人士嘅「恥辱之源」。

生平

卑利得喺李斯特大學法學學士畢業，喺1980年畀林肯律師學院授予出庭資格，並喺2006年被冊封做御用大律師 。

卑利得因為喺香港幾單備受矚目嘅政治案件入面扮演重要角色而出名。佢曾代表香港律政司起訴前行政長官曾蔭權公職人員行為失當罪。

起訴香港民主運動人士

2021年1月，佢畀香港律政司聘用，起訴蘋果日報嘅創辦人黎智英，同埋其他八名喺2019年8月喺街頭抗議中共政權鎮壓反送中運動嘅民主運動人士，包括李柱銘、李卓人、梁國雄、何俊仁等。

卑利得嘅決定受到咗英國下議院外交事務委員會主席董勤達同工黨上議院議員阿多尼斯勳爵嘅質疑。

1月14號，英國前外相聶偉敬爵士批評卑利得嘅決定，並指出好明顯審判係由於中國政府決心摧毀香港嘅民主運動而進行。聶偉敬提醒大眾，英國最高法院前院長何熙怡女男爵承認，如果佢同意喺香港審理案件，佢將有一個「嚴重嘅道德問題而問自己」。

1月17號，英國外相藍韜文受訪時批評卑利得唯利是圖，指佢良心點樣過意得去，認為佢應該根據大律師行為守則拒絕受聘。

個人生活

卑利得鍾意閱讀同園藝，係一位羅馬天主教徒。