司徒成光斬人案
 |
 |
除非特別寫明，否則本文所有時間都係以UTC+8時間為準。
| 鑽石山荷里活廣場斬人案 | |
|---|---|
| 地點 |  香港 鑽石山荷里活廣場（3樓，中庭及附近走廊）
|
| 日期 | 2023年6月2號 |
| 時間 | 晏晝5點 （UTC+8，協調世界時） |
| 動機 | 未知 |
| 形式 | 孤狼式襲擊、隨機殺人 |
| 死亡數 | 2人，方曉彤（26歲）及劉繼禧（22歲）[1] |
鑽石山荷里活廣場斬人案又叫鑽石山斬人案或荷里活廣場斬人案，係指2023年6月2號喺香港鑽石山荷里活廣場發生嘅殺人案，有一個精神病男人用刀斬死咗兩個佢唔識嘅女人。
經過
[編輯]2023年6月2號下晝5點10分，喺香港鑽石山荷里活廣場嘅閉路電視片段記錄到有一個光頭男子，着住白色背心，斜孭袋，喺商場3樓一間精品店外行。突然之間，佢拎刀向一個短髮女子背後攻擊。短髮女子跌倒之後，攻擊者繼續朝佢心臟位置拮刀，短髮女子嘅朋友係一個長髮女子（22歲），拉住短髮女子並試圖保護佢。短髮女子再次倒地，長髮女子一邊拉住佢，光頭男子一邊追，並揮刀向長髮女子。最後，短髮女子已經無反應地躺喺地上，前後被拮最少30幾刀，而同行女子中刀後倒臥喺一間莎莎化妝品店前[2][3]。
根據警方同商場另一組閉路電視片段，喺案發當日下晝5點，兇徒單獨入咗荷里活廣場，然後去到2樓「生活館（Life Kan）」家品店買咗一把長約12吋未開封嘅刺身刀，之後喺3樓遊走幾分鐘，等佢用作兇器[4][5][6]。
警方到場之前，有好多市民（其中包括一個聖約翰救傷隊成員同童軍領袖）即刻進行急救同阻止兇徒[7]，仲有個附近粵式酒樓聯盛宴嘅廚師「輝哥」用凳擊中兇徒頭部，成功制止攻擊[8][9][10][11]。警方話收到好多市民報案，警員喺收到報案後4分鐘內（下午5時14分）就到場，最終兇徒稍微抵抗咗一下就被警方制伏。案發現場到處都係血同紙巾[12][13][14][3]。
各方反應
[編輯]個別人士
[編輯]林作
[編輯]案件發生後，林作立即喺社交平台發文「抽水」，講自己買嘅波鞋同兇手嘅一樣。文章一出，即刻畀好多網民批評，有啲網民話佢「冇人性」。不過之後喺一份聲明度，佢表示絕對唔會為呢單事件道歉，最後自己刪咗呢篇post[15][16][17][18]。
爭議
[編輯]《文匯報》、《大公報》以及無綫電視發放假新聞
[編輯]喺針對兇手動機以及佢同受害人嘅資料方面，《文匯報》、《大公報》、《東方日報》、《點新聞》以及無綫電視《東張西望》都先後發放受害人同兇手有關嘅假新聞，話事件涉及情殺，但警察之後公開回應話無證據顯示兇手同受害人相識。呢啲發放假新聞嘅行為受到一啲批評[19]。其中時事評論員黃世澤就話，呢啲中聯辦宣傳部門為掩飾政府責任乜都講得出，亂作新聞中共先係專家[20] 。時事評論員馮睎乾就話，當初因為《文匯報》、《東方日報》、《東張西望》同埋《點新聞》嘅報道，結果大家討論嘅都係「情殺」故事，任何報道嘅結果就係向死者家屬嘅傷口撒鹽，呢啲媒體作為罪魁禍首，喺警察澄清之後亦無道歉，只係偷偷刪改網上報道，換個標題，當乜事都無發生，做法係侮辱死者同埋對家屬做成二次傷害。馮睎乾又話，相比起之前有線新聞主播跳舞片段風波，呢啲先係真正「A true disgrace to the craft of journalism」[21]。
註釋
[編輯]參考
[編輯]- ↑ 翁鈺輝林澤鋒 (2023-06-03)。〈荷里活廣場兇案｜商場如常營業 多名市民到場獻花悼念兩死者〉。《香港01》 (香港中文)。原先內容歸檔喺2023-06-03。喺2023-06-03搵到。
- ↑ 〈鑽石山斬人案｜CCTV 曝光 男疑兇魚生刀怒斬女子最少32 刀 同行女遭割頸〉。Yahoo News (中文)。2023-06-02。原先內容歸檔喺2023-06-02。喺2023-06-02搵到。
- ↑ 3.0 3.1 〈鑽石山斬人案｜犯案過程曝光 光頭漢持利刀狂捅短髮女近30下 刀刀攞命〉。《星島頭條》 (香港中文)。2023-06-02。原先內容歸檔喺2023-06-02。喺2023-06-02搵到。
- ↑ 〈刀漢荷里活廣場捅殺陌生兩女 商場買刀徘徊行兇 有精神病紀錄〉。《明報》。2023-06-03。原先內容歸檔喺2023-06-02。喺2023-06-02搵到。
- ↑ 〈鑽石山斬人案｜疑兇犯案前曾到家品店揀選12吋魚生刀 即買即用〉。《Sing Tao Daily 星島日報加拿大》 (臺灣中文)。2023-06-02。原先內容歸檔喺2023-06-02。喺2023-06-02搵到。
- ↑ 〈【鑽石山斬人案】疑兇買刀片段曝光 疑似事發前到商場家品店購買兇器 - 香港經濟日報 - TOPick - 新聞 - 社會〉。topick.hket.com。原先內容歸檔喺2023-06-02。喺2023-06-02搵到。
- ↑ 〈鑽石山斬人案︱正義大叔手持短櫈阻嚇兇徒 熱心途人協助急救〉。Yahoo News (中文)。2023-06-02。原先內容歸檔喺2023-06-02。喺2023-06-02搵到。
- ↑ 〈鑽石山斬人案｜街坊目擊全過程：個疑兇係咁插，插到個人無晒反應〉。星島頭條。2023-06-02。喺2023-06-02搵到。
- ↑ 凌逸德 (2023-06-02)。〈鑽石山荷里活廣場兇案｜目擊者指途人助擒疑兇：有人拎凳拍佢個頭〉。《香港01》 (香港中文)。喺2023-06-02搵到。
- ↑ 〈荷里活廣場兇案｜五個關鍵字 睇通成件事〉。《星島頭條》 (香港中文)。2023-06-03。原先內容歸檔喺2023-06-03。喺2023-06-03搵到。
- ↑ 〈荷里活廣場兇案｜廚師輝哥親述擸櫈制止疑兇 謙稱非英雄：我只係一股傻勁〉。《星島頭條》 (香港中文)。2023-06-03。原先內容歸檔喺2023-06-03。喺2023-06-03搵到。
- ↑ 〈兩女行商場突遭怒斬雙雙不治-兇徒事後企定定被制服〉。2023-06-02。原先內容歸檔喺2023-06-02。喺2023-06-04搵到。
- ↑ 〈【當街斬人】荷里活廣場2女遭持刀漢追斬至少30刀〉。2023-06-02。原先內容歸檔喺2023-06-02。喺2023-06-04搵到。
- ↑ 〈荷里活廣場兩女遭斬傷昏迷 先後不治 男子被捕 (19:13)〉。2023-06-02。原先內容歸檔喺2023-06-02。喺2023-06-03搵到。
- ↑ 田中貴 (2023-06-03)。〈荷里活廣場兇案｜林作放售疑犯同款波鞋抽水 網民轟：冷血無人性〉。《香港01》 (香港中文)。原先內容歸檔喺2023-06-03。喺2023-06-03搵到。
- ↑ 凌心兒 (2023-06-03)。〈荷里活廣場兇案｜林作抽水被轟冷血即刪po 聲明解釋：堅決不道歉〉。《香港01》 (香港中文)。原先內容歸檔喺2023-06-03。喺2023-06-03搵到。
- ↑ 星島日報。〈荷里活廣場兇案｜林作抽水出事即del post 借疑兇鞋款呃like一張相惹炮轟仍死撐：高人教的〉。std.stheadline.com (中文)。喺2023-06-03搵到。
- ↑ 〈「抽水王」林作賣荷里活廣場疑犯同款鞋：跑步一流〉。《on.cc東網》 (香港中文)。2023-06-03。原先內容歸檔喺2023-06-03。喺2023-06-03搵到。
- ↑ 紅白藍孩 (2023-06-02)。〈啱啱瞓醒，想問阿新聞教父黃應士出咗嚟批評東網/大公文匯/TVB喺未求證下出稿係a true disgrace to the craft of journalism未？蛋餅強出咗嚟譴責假新聞假消息未？〉。喺2023-06-03搵到。
{{cite web}}: CS1 maint: url-status (link) - ↑ 黃世澤 (2023-06-03)，〈文匯大公、TVB帶頭亂寫荷里活廣場刀案受害人同凶手有關 中聯辦宣傳部門為掩飾政府責任乜都講得出 亂作新聞中共先係專家〉，《黃世澤幾分鐘評論》，原先內容歸檔喺2023-06-03，喺2023-06-03搵到
- ↑ 馮睎乾 (2023-06-03)。〈真正的新聞界之恥〉。《馮睎乾十三維度》 (香港中文)。喺2023-06-03搵到。
{{cite web}}: CS1 maint: url-status (link)