吉隆坡中央車站

吉隆坡中央車站

Stesen Sentral Kuala Lumpur
吉隆坡中央車站; Stesen Sentral Kuala Lumpur
	中央車站
概況
線路	Seremban Line; Port Klang Line; Kelana Jaya Line; 吉隆坡機場快線; 吉隆坡機場支線; KL Monorail; Skypark Link; ETS KTM電動列車服務
其他資訊
東主	馬資源、馬來亞鐵道、馬來西亞國家基建同吉隆坡機場快鐵

吉隆坡中央車站（馬來話：Kuala Lumpur Sentral），簡稱KL Sentral，係馬來西亞吉隆坡嘅重要公共交通樞紐同泛亞鐵路嘅主要站點之一，喺2001年投入營運，以取代原本嘅吉隆坡火車站，係馬來西亞客運量最大嘅鐵路車站。

車站設計師係黑川紀章，同吉隆坡國際機場一樣。車站周圍有商場、五星級酒店、巴士總站等。

主要建築

區塊	用途	建築名	狀態
A	辦公大樓	聯昌國際銀行總部大樓（Menara CIMB）	2012年中旬啟用
B	辦公大樓	Q Sentral	2010年第四季動工，喺2014年完工
C	旅館與住宅	吉隆坡瑞吉酒店（The St. Regis Kuala Lumpur）	2010年第四季動工，喺2014年完工。
D	住宅	Sentral Residence	52層住宅大樓，喺2015年完工。
E	辦公大樓	KL Sentral Park	由馬資源有限公司（MRCB）開發，2011年完工。
F	辦公大樓	仍未公布	等緊開發
G	商場、旅館與辦公大樓	NU Sentral廣場	馬來西亞第一間以公共運輸為導向嘅大型商場，商場連接車站大樓同單軌車站月台，有兩棟分別係27層同37層嘅辦公大樓喺嗰度，另設有一棟28層嘅吉隆坡中環雅樂軒酒店（Aloft Kuala Lumpur Sentral）。
H	交通	吉隆坡中央車站（Stesen Sentral Kuala Lumpur）	2000年完工啟用，為吉隆坡中環主要建築
I	旅館	吉隆坡希爾頓飯店（Hilton Kuala Lumpur）及吉隆坡艾美酒店（Le Méridien Kuala Lumpur）	2004年完工同啟用
J	醫療與辦公大樓	吉隆坡中環心血管專科醫療中心（CVSKL）、UEM集團總部大樓（Mercu UEM）及 Quill 7辦公大樓	喺2008年開幕時係商場（Sooka Sentral），但因人流量不足後來被改建做醫院，附設商辦大樓喺2009年陸續完工。
K	住宅	Suasana Sentral	2002年完工。
L	住宅	Suasana Sentral Loft	2008年完工。
M	辦公大樓	Plaza Sentral	第一期於2001年完工，第二期喺2007年完工。
N	辦公大樓	1 Sentral Tower	2007完工。

中央車站巴士總站

車站周圍道路有幾十條市區巴士路線行經並設站，可以去巴生谷大部分地點。GO吉隆坡城市巴士（GOKL）免費巴士同吉隆坡城市觀光巴士（Hop-On Hop-Off）亦經過呢度。

另外，有長途巴士去吉隆坡國際機場、雲頂高原、新加坡等地。

鐵路

1 芙蓉線，通往黑風洞同普羅士邦/淡邊區間。
2 巴生港線，通往丹絨馬林同巴生港區間。
5 格拉那再也線，通往鵝嘜同布特拉高原區間。
6 吉隆坡機場快線，前往吉隆坡國際機場約需28分鐘。
7 吉隆坡機場支線，前往吉隆坡國際機場需時35分鐘，停靠3個車站。
8 吉隆坡單軌列車，單軌列車月台喺敦善班丹路（Jalan Tun Sambathan）距離中央車站直線距離約140公尺，需經過Nu Sentral商場連接通道站外轉乘。
9 需利用200公尺嘅地下通道前往國家博物館站外轉乘。
10 天空花園線通往梳邦機場。
ETS電動列車服務通往巴東勿剎同金馬士區間。

出面網頁