商務印書館

出自維基百科,自由嘅百科全書
Jump to navigation Jump to search
商務印書館
類型 圖書印刷廠、出版所、翻譯部
成立 1897年2月11號
總部地址 大清帝國 大清 上海江西路北京路首德昌里末街3號(1897年2月11號~1898年)
大清帝國 大清 Flag of the Republic of China.svg 上海租界北京路慶順里(1898年~1907年)
Flag of the Republic of China.svg Flag of the Republic of China.svg 上海閘北華界寶山路(1907年~1932年1月29號)
湖南長沙(1932年1月29號~1941年)
重慶(1941年~1946年)
Flag of the Republic of China.svg Flag of the People's Republic of China.svg 上海(1946年~1954年)
Flag of the People's Republic of China.svg 北京(1954年~而家)
產業 出圖書、翻譯外國文獻同出版中外辭典工具書

 商務印書館粵拼soeng1 mou6 jan3 syu1 gun2中華人民共和國嘅出版社,亦係中國第一間現代出版機構同中國大陸最有實力同影響力嘅文化出版機構。總部最先喺1897年喺上海成立,1954年搬到北京,2002年改為中國出版集團屬下嘅成員單位,2011年改組成商務印書館有限公司。

[編輯]

大清光緒廿三年正月初十(1897年2月11號),夏瑞芳鮑咸恩鮑咸昌高鳳池四位商人喺上海成立印書館,初期主要出版《華英初階》同《華英進階》等英漢雙解辭典、重代印咗《昌言報》同埋《格致新報》;當年出咗佢第一本學術專著——由馬建宗寫嘅《馬氏文通》。後嚟因為坊間大量翻印商務印書館有關啲書,江南商務總局喺1899年11月宣佈唔畀翻印過同商務印書館有關啲書。

1900年收購咗日本人屬下嘅修文印刷局,重第一次用紙型印書;同年亦出版咗《華英地理問答》。時隔2年又開咗印刷所、編譯所同埋發行所。1903年10月成立有限公司,吸收日資而改進印刷,同年亦喺湖北漢口開咗第一間分館同第一次用咗著作權印花,重負責編印小學最新國文教科書。時隔2年喺北京開咗分館同埋附屬小學。

中華民國時期[編輯]

  • 1912年,印書館搬到上海發行所入面,期間成立革命史編輯部同另開清史編輯社,同年亦加開咗博物部同鐵工製造部。
  • 1914年:喺香港成立分館。
  • 1915年:第一次用彩色膠版印刷。
  • 1916年:喺星加坡成立分館。
  • 1918年:開咗活動影戲部。
  • 1921年:屬下嘅京華印書局喺北京虎坊橋落成。
  • 1926年:原先成立嘅鐵工製造部同埋活動影戲部重組成華東機器製造廠同埋國光影片公司。同年嘅涵芬樓改成東方圖書館
  • 1932年:由於一二八事變爆發,總管理處同總廠、編譯所、東方圖書館、尚公小學都俾日軍炸冧嗮,出現咗大面積離職潮。同年8月1號正式復業而實行日頭出新書。
  • 1937年:印書館先後喺長沙、上海、香港開設總管理處同辦事處。
  • 1941年:受到日軍南下侵略關係,位於長沙嘅印書館總管理處搬到重慶;喺兩地嘅貨棧同印刷廠都俾日軍劫持,從而被迫停刊。
  • 1944年:屬下嘅東方圖書館喺重慶開分館。
  • 1946年:由於日軍投降關係,總部從重慶搬返上海。
  • 1948年:喺臺灣成立分館。

中華人民共和國時期[編輯]

  • 1950年:印書館同三聯書店、中華書局、開明書店、聯營書店一齊組成中國圖書發行公司,成為中國大陸繼新華書店後,第二個發行系統。
  • 1951年:開設總管理處駐京辦事處,編審部搬到北京。
  • 1952年:出版部從上海搬到北京,同編審部合併。當年受教育部委托而出版高等學校試用教材。
  • 1953年:東方圖書館交出冚唪唥嘅藏書畀人民政府。當年受衛生部委託而出版《中華人民共和國藥典》。
  • 1954年:總部從上海搬到北京,實行公私合營。
  • 1956年:印書館將1951年底之前出嘅圖書畀嗮新華書店。
  • 1957年:恢復返商務印書館,又將時代出版社同五十年代出版社合併入嚟。
  • 1958年:同上海新知識出版社地理編輯室合併,三聯書店負責翻譯外國學術著作人物亦交入嚟,同年被確定為翻譯書籍任務嘅出版社。
  • 1963年:接受文字改革圖書出版任務而用「文字改革出版社」嘅名嚟出版有關圖書。
  • 1966年:由於文化大革命爆發,嗰時為防俾搗亂派亂咁揼爛而改名做「東方紅出版社」。
  • 1969年:印書館嘅翠微路辦公樓同全體宿舍俾嗰時嘅主事者無條件交咗畀北京市人民政府
  • 1971年:印書館同中華書局一齊,搬到王府井大街36號辦公樓入面複業,同年出版《新華字典》。
  • 1978年:雖然國家出版局重新定過商務印書館嘅出版任務同方針,但主要任務重係以翻譯外國學術著作同中外辭典等工具書為主。
  • 1979年:商務印書館同中華書局一分為二;同年8月11號恢復返獨立建制。
  • 1986年:屬下嘅北京琉璃廠、前門珠市口門市部都全部開業。
  • 1989年:印書館成立90年期間,喺上海河南中路221號原址恢復返招牌同設立辦事處。
  • 1993年:商務印書館工會正式成立。
  • 1998年:屬下嘅《英語世界》同《挑戰風險》分別被評為全國百種重點社科期刊同埋攞咗第十一屆中國圖書獎。
  • 1999年:印書館攞咗全國優秀出版社同埋中華老字號嘅稱呼;同年亦成立辭書研究中心。
  • 2001年:印書館攞咗全國圖書對外版權貿易先進單位;同年被列為國家自然科學基金地學類研究成果專著嘅指定出版社。
  • 2002年:分別成立音像出版中心、教育圖書編輯室;開設咗語言學出版基金。
  • 2003年:成立英文編輯室;地理編輯室改名做科技圖書編輯室。
  • 2004年:喺北京王府井大街總部辦公樓開咗館史陳列室;同年亦成立上海信息中心同埋經濟管理圖書編輯室;音像出版中心改名做電子音像出版中心。
  • 2005年:成立世界華語教學研究中心。
  • 2011年:改組成商務印書館有限公司。

出面網頁[編輯]