四辻宮

四辻宮（日文：よつつじのみや）係日本一個曾經存在嘅宮家，由順德天皇第六個仔善統親王1233年左右創立，歷3代，直到1402年絕家，有指係歷史上第一個世襲宮家。但係歷史上就冇任何關於佢哋後人嘅資料，就連確實住嘅地方都冇人知。

歷史

四辻宮係由善統親王響1233年左右創立，而善統響1291年出家，所以由仔尊雅王繼承當主一位。歷史上對於尊雅王嘅資料唔多，淨係知佢有三個仔女，分別係大仔無極志玄、大女智泉聖通同埋細仔善成王。響1356年，善成王皇籍脫離，改名叫四辻善成，以伯爵身份繼承當主一位。1395年善成出家，而後嚟善成響族譜上唯一一個仔松蔭常宗又響1407年出家，所以歷史學家判斷四辻宮就此絕家。

但係善成如果真係得松蔭常宗一個仔，咁一定會反對佢出家，因為佢出咗家就冇人繼承當主一位，所以有人認為唔合理，但響族譜上善成又冇其他仔女。

歷任當主

• 第一任：善統親王
• 第二任：尊雅王
• 第三任（末代）：四辻善成