高圓宮
高圓宮（日文：高円宮，たかまどのみやTakamadonomiya）係日本現存嘅四大宮家之一，由三笠宮崇仁親王細仔高圓宮憲仁親王響1984年12月創立。依家嘅當主係憲仁親王妃久子。
佢個名嘅靈感係嚟自崇仁嘅宮號三笠宮。因為三笠宮爾個名嘅靈感係嚟自奈良市東部嘅三笠山，而響三笠山隔離又有座山，叫高圓山。高圓宮個名就係嚟自高圓山[1]。
生前，憲仁親王同妃久子淨係得三個女（分別係承子女王、千家典子、守谷絢子），冇仔，而典子同埋絢子都已經嫁咗畀人而脫離咗皇籍[2][3]，所以當如果承子女王嫁人或者死咗嘅話，咁高圓宮就會絕家，換言之即係高圓宮會畀人廢除。
近年日本政府有意修改皇室典範嘅規定，指當如果內親王或者女王嫁人之後，可唔可以保留佢同埋佢嘅仔女嘅皇室身份。如果爾條修例最終通過嘅話，咁承子女王嫁人同生仔之後都繼續係皇室成員，換言之嗰時嘅高圓宮可能唔會畀人廢除，而係由承子女王同埋佢嘅仔女將爾個宮號一直傳落去[4]。
攷
[編輯]- ↑ 〈日本的皇室，貴族的由來及其構成（二）〉 (香港中文)。原著喺2020-06-21歸檔。喺2020-06-21搵到。
- ↑ 〈日本皇室再嫁一女，高圓宮三女絢子婚禮在明治神宮舉行〉 (香港中文)。喺2020-06-21搵到。
{{cite web}}: CS1 maint: url-status (link) - ↑ 〈絢子さまと守谷慧さんの結婚式 東京 明治神宮 | NHKニュース〉。web.archive.org。2018-10-29。歸檔時間2018-10-29。喺2020-06-21搵到。
{{cite web}}: CS1 maint: bot: original URL status unknown (link) - ↑ 小雅玫瑰 (anita.ysl)。〈2012年日本擬修法，內親王婚後保留皇籍創立女性宮家〉。《隨意窩 Xuite日誌》。原著喺2020-06-22歸檔。喺2020-06-21搵到。
