高松宮
高松宮（日文：たかまつのみやTakamatsunomiya）係日本舊時一個宮家，由大正天皇三仔宣仁喺1913年設立。
歷史[編輯]
因為前身有栖川宮嘅當主威仁死咗，而佢唯一一個仔栽仁王又行先過佢，搞到有栖川宮絕家，所以大正天皇下令將當時八歲嘅宣仁繼承當主一位，但宮號就由有栖川宮改做高松宮。由於當時皇室禁止契爺契仔關係，所以宣仁最後冇做威仁嘅契仔。
其實有栖川宮原本都係叫高松宮，之不過後嚟第三代當主幸仁改咗名叫有栖川宮，而大正天皇又改返嚟。
響1987年，宣仁死咗，但係佢冇仔女，所以由老婆喜久子做當主。響2004年，喜久子都死咗，所以高松宮絕家。
歷任當主[編輯]
- 第一任：宣仁親王
- 第二任（末代）：宣仁親王妃喜久子
