賀陽宮
賀陽宮（日文：かやのみや）係日本舊時一個宮家，原先係朝彥親王嘅宮家，後嚟由邦憲王繼承。1947年響駐日盟軍總司令指示下，賀陽宮最後一任當主恆憲王皇籍脫離，降為平民。現任當主係賀陽正憲。
歷史
[編輯]大約響1864年，朝彥親王由中川宮改為起賀陽宮，但係佢響1875年又另起宮家久邇宮，所以賀陽宮需要人繼承。原先，身為大仔嘅邦憲王係絕對可以繼承久邇宮，但係最後佢決定將久邇宮讓畀細佬邦彥王，自己就響1900年就任賀陽宮當主一位。
響1909年，邦憲王過身，由大仔恆憲王接任當主一位。1947年響駐日盟軍總司令指示下，恆憲王皇籍脫離，降為平民。之後賀陽宮改為賀陽家。
由於大仔邦壽王冇仔女，於是佢死後就由恆憲王二仔治憲王繼承賀陽家當主一位。2011年，治憲王過身，又冇仔女，而老三章憲王又早死，所以就傳咗畀章憲王個仔賀陽正憲。而正憲就做到依家。
歷任當主
[編輯]賀陽宮
[編輯]- 第一代：賀陽宮邦憲王
- 第二代（末代）：賀陽宮恆憲王
賀陽家
[編輯]- 第一代：賀陽恆憲（即賀陽宮恆憲王）
- 第二代：賀陽邦壽（即邦壽王）
- 第三代：賀陽治憲（即治憲王）
- 第四代（現任）：賀陽正憲
