四驅車 (玩具)

出自維基百科,自由嘅百科全書
Jump to navigation Jump to search
一抯四驅車
一部四驅車

四驅車粵拼sei3 keoi1 ce1日文ミニ四駆英文Mini 4WD),全名迷你四驅車,係一種由日本田宮模型公司整出嚟嘅其中唔使遠程遙控嘅1:32比例賽車玩具。呢種賽車可以喺有牆壁導航嘅賽道入面搞比賽都得。

發展史[編輯]

講下世界上第一部玩具嘅四驅車,就喺1982年嘅日本嗰邊出世。嗰時嘅田宮模型公司就按返堅嘅福特RANGER比卡部車嘅樣,縮細到原嚟嘅1/32嘅樣整出嚟嘅。而呢種車同之前啲遙控車唔同,佢簡化咗有線控制賽車速度嘅遙控,凈係留低開關同傳動裝置,重靠嗮FA-130型嘅摩打同兩嚿5號乾電池嚟發動四隻轆。

而呢啲四驅車喺啱啱出世無耐,就定咗用好少錢買得到佢,甚至重簡化咗電路遙控,通過用㩒嘅方法嚟達到唔使用膠水就可以方便用嚟拆裝。但係嗰時嘅四驅車唔可以喺軌道入面行,凈係可以喺平地度行。

到咗1986年,真正嘅四驅車底盤先至正式出世,而呢種底盤就係T1品種嘅。由於佢出咗世,就結束咗四驅車凈係可以喺平地度行嘅歷史。喺1986年6月,嗰時最熱門嘅車型——HOTSHOT,就係世界上第一部可以喺軌道入面正常高速行嘅四驅車。就係噉開始刮咗埐玩具四驅車嘅熱潮。

品牌[編輯]

一講到四驅車嘅品牌,喺全球範圍嚟講,最出名嘅就係奧迪田宮呢兩個商標。因為嗰時呢兩個品牌喺生產四驅車範圍入面係出嗮名嘅。

奧迪[編輯]

內文: 奧迪雙鉆

喺廣東地區嚟講,最出名嘅係1993年出世嘅「奧迪」呢個商標[1]。嗰時佢從日本嗰邊引入咗生產18、16同19型嘅玩具四驅車,後嚟經過咗好多年嘅生產,喺質量方面一啲都唔輸蝕畀田宮嘅產品。而嗰時佢哋賣嘅四驅車用20就買得到喇。而呢個品牌整嘅四驅車,裝咗「黑凡魚」嘅摩打就可以逳得喇。由於佢嘅價錢比較平,加上佢喺中國內地做咗好多功勞,所以佢哋就一傳十,十傳百,傳到成個中國內地都有得賣,而「奧迪雙鉆」呢個品牌喺90年代後半期都出嗮名。

田宮[編輯]

內文: 田宮模型

之前嗌「田宮」呢個廠商喺全球範圍入面都好出名下,嗰時因為佢有世界上最齊全嘅生產線同靚嘅整模型工具響度,佢重係玩具四驅車入面,最緊要嘅研發同推廣嘅企業。雖然話佢喺20世紀80年代就開始出高品質嘅迷你四驅車產品,但係呢啲凈係得有錢佬先至買到佢。因為呢啲車係日本原裝進口,唔單止價錢好貴(賣60/部),相反重有啲車型係冇摩打嘅。

品種[編輯]

家下嘅玩具四驅車,一般都係16、18同19系列嘅品種。

18系列[編輯]

18系列嘅四驅車係最早期版本嘅四驅車,佢嘅性能喺16、19系列嚟講都笑甩大牙喇。因為呢啲品類嘅車係有好多種唔同嘅底盤同埋車身,加上佢用嘅係普通嘅摩打,而且車轆都好大下,最啱喺冇軌道嘅路度行。而呢種車有32隻唔同嘅品類,從18001—18032嘅都有。不過呢啲車係從佢自己嘅車身分出嚟嘅,因為每部車身嘅樣都唔一樣。

16系列[編輯]

16系列嘅四驅車係全罩式嘅賽車。同18系列唔同,因為呢啲車有全罩式、流線型;而且車轆好細,加上佢有好低嘅重心響度。而呢種車有43隻唔同嘅品類,從16601—16605、16201—16202同埋16401—16436嘅都有。

19系列[編輯]

19系列嘅四驅車係一種超級版本嘅四驅車。佢部車嘅車身好似部宇宙飛船噉,唔單止流線比較大,而且車轆好大、甚至起步得好快。不過呢部車同16、18系列一樣嘅係,佢嘅底盤同齒輪、高速摩打都係用咗同一曬士嘅品類。

構造[編輯]

家下所見到嘅玩具四驅車都係由一個摩打同一個齒輪仔、1嚿後導電片、1嚿開關㩒掣、摩打罩、開關罩嚟整嘅一個完整嘅直流閉合回路。佢可以有效噉限制喺直流電能轉成穩定嘅機械能同時,重將轉轆以圓周嘅轉動形式輸出。而車身係用咗車殼、中翼、塑料導輪同螺絲組成。

另類嘅四驅車[編輯]

喺玩具四驅車唔停噉發展同升級嘅同時,重出現咗另類嘅四驅車品種。由於佢哋都係用四隻轆嚟發動,所以佢哋都係屬於四驅車嘅品種。

福萬底盤[編輯]

喺玩具四驅車出現之前,有間嗌「福萬」嘅公司重出過嗌「福萬1代」嘅底盤。佢係通過底盤嚟轉齒輪裝置而達到轉2檔同4檔,而且其他嘅軸都喺嗮車身嘅中間,所以好容易就分得到出嚟。不過由於呢啲品類嘅車用咗好耐到差唔多淘汰嗮咁滯,所以到而家為止都比較少見。

大腳車[編輯]

大腳車係另類四驅車入面最出名嘅四驅車品種。雖然話個齒輪大到行得好慢,但係佢識得爬坡,有啲車甚至可以爬上去40°嘅斜坡都有,而且重好鈙玩。因為佢大多數都係攞堅嘅車嚟整個縮細版,所以有好多玩家攞佢嚟擺展覽。

排齒車[編輯]

排齒車係由中國內地研發嘅一種由釋放齒輪結構發動嘅四驅車。呢種車非常之有自己嘅結構特色,而且傳動功能都好穩定,所以中國內地用得比較多嘅就係呢種四驅車。

卡通車[編輯]

由於受到猛咁播嘅卡通片影響,有啲四驅車嘅生產商甚至加入咗卡通嘅元素嚟出個限定版嘅四驅車。

塗裝車[編輯]

由於出四驅車啲人大多數都係整靜態模型嘅高手,所以重有啲猛人嚟自己DIY部四驅車都得。而佢哋都有細緻嘅整法,有好多睇相,佢一啲都唔輸蝕畀靜態模型嘅四驅車。

流行[編輯]

內文: 四驅兄弟

《四驅兄弟》係日本漫畫家越田哲弘喺《快樂龍》出版嘅玩具四驅車漫畫,呢份漫畫喺出咗版之後俾好多嗰時嘅細路同後生仔都㷫咗下。因為嗰時出版嘅漫畫甚至重衍生咗玩具、動畫、電影、遊戲、CD、收集卡、貼紙等各種媒體發表嘅熱門作品。個廠商為咗延長產品嘅周期,而田宮模型到而家為止,重喺度猛咁出新嘅玩具四驅車都有。

四驅車喺粵語區嘅發展[編輯]

而家全球各地都喺度辦唔同規模嘅四驅車賽,而四驅車同佢嘅改裝零件產品,都搞到好多鍾意整四驅車啲人嚟研究同傾下點改裝同整部四驅車出嚟。

廣東[編輯]

由於廣東地區距離比較近,所以喺20世紀90年代嗰陣,都可以睇到香港地區嘅電視台(例如本港台或翡翠台)。嗰時香港地區嘅電視台猛咁播嘅四驅小子,甚至重引發咗廣東地區嘅四驅車熱潮。而奧迪公司咁啱得咁嘺,睇啱咗四驅車嘅龐大市場,佢最先通過仿抄之前田宮出嘅原裝產品而入咗市場,之後奧迪玩具重自己研發咗好多部四驅車嘅產品。由於奧迪產品嘅價錢重平過田宮模型嘅進口產品,所以奧迪四驅車就霸咗廣東嘅大部分市場。尤其喺1996年開始,奧迪公司重借住一系列成功嘅宣傳經驗,喺青少年範圍入面搞咗個品牌形象。[2][3]由於奧迪喺四驅車入面搞得好成功,而且開始向多元化發展,重搞咗個好嘅動漫品牌出嚟。而呢埐風暴甚至重刮到成個960萬平方公里嘅中國領土入面。[4][5]

從2012年開始,廣州深圳地區都開始辦同玩具四驅車有關嘅挑戰賽同活動[6][7]

香港[編輯]

無綫電視翡翠台先後喺1991年3月同埋1997年3月,開播四驅小子同埋四驅兄弟,嗰時連續刮咗兩埐「四驅車熱潮」出嚟。甚至重有遊戲同娛樂節目都猛咁搞四驅車比賽[8]。喺2006年,有部份高登討論區會員發起四驅車嘅比賽活動,借住呢次機會嚟推廣四驅車嘅運動[9][10][11]。到而家為止,香港有好多同四驅車有關嘅比賽舉辦,重一直冇停過咁滯。

澳門[編輯]

喺20世紀90年代,雖然話嗰時開始同四驅車有關嘅交流運動,但係嗰時都重未幾流行下[12]。不過到咗2010年,有部分QOOS討論區啲人嚟發動咗同四驅車有關嘅運動[13]先至開始俾人關注咗。佢哋通過舉辦四驅車嘅比賽交流活動嚟提升四驅車嘅模型組裝同設計技巧,而喺澳門入面推廣同四驅車有關嘅活動。就喺2013年開始,澳門嗰頭辦咗每年一屆嘅四驅車大賽[14][15][16][17][18] [19]

[編輯]

[編輯]

  1. 嗰時「奧迪」呢個商標重可以嗌「奧迪雙鉆」。因為雙標入面有兩嚿鑽石響度,所以「奧迪雙鉆」嘅名就係噉嚟。
  2. 用速度 追忆儿时梦想
  3. "飛刀熱爆放暑假 "四驅小子"競技比拼 體驗掌上"速度與激情"". (原先內容喺2014年9月3號歸檔). 喺2014年10月7號搵到. 
  4. 四驱车面世30周年
  5. "扬州有群"四驱小子"追寻着童年的回忆". (原先內容喺2014-09-03歸檔). 喺2014-10-07搵到. 
  6. 第二届最大亏模超级杯super cup2 -让我们再拽一下! 淘宝网店铺 喺2013-09-03搵到
  7. 迷你四驱车大赛——第一届寻找回忆杯 互聯網檔案館歸檔,歸檔日期2013年7月26號,. 深圳动漫节官网 喺2013年6月搵到
  8. 曾 經 的 四 驅 熱 潮
  9. "香港迷你四驅協會 Hong Kong Mini4wd Association". (原先內容喺2014年8月3號歸檔). 喺2014年10月7號搵到. 
  10. Mini-four Hongkong
  11. Hong Kong Mini 4wd Association (香港迷你四驅協會)
  12. TDM尋藏記--澳門迷你四驅競速團 YouTube
  13. QOOS討論區 澳門旅遊|澳門美食|香港自由行|港澳熱門話題-No.1澳門香港論壇
  14. "第二屆全澳迷你四驅車大賽--MMRT Summer Cup 2014圓滿結束". (原先內容喺2015年6月26號歸檔). 喺2014年10月7號搵到. 
  15. 四驅小子不是夢 ─ 專訪澳門迷你四驅競速團(MMRT)
  16. 澳門的迷你四驅車兄弟幫 ─ 復興篇
  17. 四驅車壇盛事 ─ 澳門迷你四驅競速團第二屆Summer Cup圓滿結束
  18. 澳門的迷你四驅車兄弟幫 ─ 競賽篇
  19. "澳門的迷你四驅車兄弟幫". (原先內容喺2014年8月21號歸檔). 喺2014年10月7號搵到.