國泰航空被小紅書網民投訴爭議
2023年5月21號，有一位中國網民乘搭國泰航空CX987航班期間，未經許可偷錄咗國泰航空空姐喺休息室嘅錄音，並且喺小紅書度投訴國泰空姐唔禮貌對待佢地。呢個事件引起好多社會討論，國泰航空解僱咗三個有關嘅空姐，行政總裁林紹波公開道歉，但中國網民同官媒仍然不停狙擊。另一邊，中國傳媒人胡錫進同香港特首李家超都公開發聲，將呢個事件升級到香港人對中國人嘅歧視心態問題，不過呢啲做法遭到傳媒同部分民主派人士嘅批評。國泰工會亦批評，點解管理層冇好好保護佢哋同埋唔禁止呢啲未經允許嘅錄音事件發生，明明員工指引已經清楚講明呢啲行為係唔可以容忍嘅。
事由
[編輯]2023年5月23號，有中國旅客喺小紅書出貼，聲稱自己被國泰空姐歧視。事發航班係2023年5月21號由成都天府機場飛去香港機場嘅CX987航班，投訴主要有3點，其中第1、2點都係關於空姐笑乘客唔識聽英文。
- 第一單嘢係：女1先話「Carpet is on the floor」、女2接住講「（你想要就）拆左佢」，女3就用港式英文話「blanket 、毛毯（普通話發音），no喎」，就用英文接住講「如果他們不會說毛氈的英文， 那他們就不配毛氈」（If you cannot say blanket in English, you cannot have it）[1][2]
- 有個老人家係飛機起飛後帶細路去廁所，一名空姐先用粵語廣播「安全信號燈還未熄滅，請回到座位」，跟住同同事話「他們聽不懂人話啦」[3]。
- 有乘客嘗試用英文問空姐點填入境卡，但空姐就西面無回應[3]。
投訴人話自己坐喺飛機後排，飛行過程無間斷聽到空姐侮辱同鬧乘客，所以會同國泰實名舉報。
公開投訴後事態發展
[編輯]國泰喺微博發聲明，話對乘客嘅不愉快經歷表示深深嘅歉意，強調非常重視事件，會進行嚴肅嘅調查同處理，重申致力於為乘客提供高品質嘅服務。[4][5]
不過，中國網民仍然繼續狙擊國泰航空，因為聲明冇大陸官方文件成日出現嘅紅章，覺得國泰態度不痛不癢。[6]官媒《人民日報》、《北京日報》亦喺5月23號一同狙擊國泰航空，甚至將個別空姐言行，訴諸整間公司有國族認同偏差、心理扭曲、崇洋以及文化同專業素養問題，又牽扯到香港係中國一部分、香港發展要靠中國，內地遊客係香港服務業衣食父母等觀點。[7][8]
中國網民網絡欺凌同埋其他激進行為
[編輯]事後，有中國網民公開發表更加激進嘅言論，例如要求太古集團撤出國泰表示將準備隱藏鏡頭並挑釁國泰空姐[9]。結果，國泰航空要再就事件多次道歉。
國泰前線員工回應
[編輯]國泰有唔少前線服務人員都對國泰高層嘅處理，甚至香港政府嘅回應感到不滿同失望。
有空姐喺網絡媒體《綠豆》投稿，話自己從來冇遇過同事會故意重覆講一種對方唔明白嘅語言，呢次事件好多同事都好嬲，被解僱同事罪不至死，事件亦唔需要特首小事化大譴責。有照顧不周嘅問題，其實係在於國泰一直扣減人手，漠視乘客需要[10]。
其他人士對事件評論
[編輯]- 對於呢次事件屬唔屬於歧視，香港平機會主席朱敏健強調須依據個案始能判斷，相信只係個別事件[11]，又話冇收到乘客正式投訴[12]。
- 前全國政協常委劉夢熊喺社交媒體轉載文章，指出乘客私下錄音嘅不當性，違反《機艙服務指引》，空姐嘅調侃亦只係私底下進行，又形容國泰航空嘅母公司求生欲太強，一味求利，缺乏基本公正，無視公司工作規程，欺凌自己員工去滿足網絡暴凌者以試圖息事寧人，實在令人心寒[13]。
- 行政會議召集人葉劉淑儀喺社交網站度發文，話唔可以容忍歧視行為，但佢形容部分網民嘅反應「太過火」，指內地人唔應該對香港人咁激烈同過度情緒化嘅反應，「唔然會加深兩地之間嘅矛盾」[9]。
- 香港親中派立法會議員田北辰批評涉事空姐，話有證據就要即炒，佢又認為搞內地航班應該熟悉兩文三語，事件絕對影響香港、國泰形象。他又話，大陸市場達14億人，國泰要認真調查事件，以免被內地杯葛[14]。
- 針對官媒喺呢次事件嘅『衣食父母』言論，被逼流亡嘅前立法會議員梁頌恆就喺自己喺自由亞洲電台嘅節目《財經自由講》入面，用經濟數據反駁呢個說法，事實係中國嘅經濟依賴香港，中國對香港嘅經濟貢獻反而非常有限[15]。
睇埋
[編輯]參考來源
[編輯]- ↑ 陳進安 (2023-05-23)。〈不說英文不配毛毯？內地網民指國泰空服員歧視 31秒錄音曝光〉。《香港01》。喺2023-05-23搵到。
- ↑ 余心美 (2023-05-23)。〈成都飛港航班空服員涉歧視內地乘客被揭三宗罪 國泰發聲明致歉〉。《香港01》。喺2023-05-23搵到。
- ↑ 3.0 3.1 李文輝、吳泓勳 (2023-05-23)。〈空服員歧視非英語乘客？ 國泰航空火速致歉〉。《中國時報》。喺2023-05-23搵到。
- ↑ 〈網民舉報空服員歧視非英語乘客 國泰指嚴肅調查處理〉。《東網》。2023-05-23。喺2023-05-23搵到。
- ↑ 〈被舉報空乘歧視非英語乘客 國泰航空發聲明致歉〉。《香港商報》。第2023-05-23號。2023-05-23。喺2023-05-23搵到。
- ↑ 李靖棠 (2023-05-23)。〈國泰航空歧視英文能力與陸客遭砲轟 涉案空服已被停職〉。TVBS。喺2023-05-23搵到。
- ↑ 林勁傑 (2023-05-23)。〈港國泰空服員涉歧視普通話乘客 官媒：應重拳整頓〉。《中國時報》。喺2023-05-23搵到。
- ↑ 俠客島。〈國泰航空不能只是道歉了事〉。《微博》。喺2023-05-23搵到。
- ↑ 9.0 9.1 〈【國泰風波】葉劉：內地網民反應「過火」 籲勿情緒過激加深兩地矛盾〉。
{{cite web}}: CS1 maint: url-status (link) - ↑ 〈國泰空姐：不是要為被炒同事說話〉。www.facebook.com (英文)。喺2023-06-09搵到。
{{cite web}}: CS1 maint: url-status (link) - ↑ 〈國泰空姐被指歧視非英語乘客 朱敏健：相信是個別事件〉。Yahoo News (中文)。2023-05-30。喺2023-06-09搵到。
- ↑ 〈即時新聞 - 時事脈搏 - 朱敏健:未收到國泰空服員歧視乘客正式投訴〉。《信報網站 hkej.com》。喺2023-06-09搵到。
- ↑ 〈我不會罵國泰航空空姐，因為我不配〉。Facebook (英文)。喺2023-06-09搵到。
{{cite web}}: CS1 maint: url-status (link) - ↑ 黃偉倫 (2023-05-23)。〈國泰歧視風波｜田北辰轟損害香港形象 如事件屬實應「即炒」〉。《香港01》。喺2023-05-23搵到。
- ↑ 《【財經自由講】誰才是「衣食父母」？中國沒有了香港還能過風光日子麼？哪家港企會步國泰後塵？》 (英文)，喺2023-06-09搵到