土瓜灣天后廟

出自維基百科,自由嘅百科全書

土瓜灣天后廟香港九龍土瓜灣一座天后廟,1885年建成,位於下鄉道落山道交界,依家被列作香港三級歷史建築,並由華人廟宇委員會管理。

歷史[編輯]

土瓜灣天后廟係清朝光緒十一年(1885年)由客家漁民籌建,建於當時嘅海邊,近當時嘅土瓜灣村旁邊。建廟時所鑄嘅銅鐘至今仍然得以保存。該廟喺1888年重修過,現存入口嘅門額「天后古廟」四字就係嗰時寫嘅。1860年代,嗰度有小村落叫土瓜灣村,當時可以由天后廟遠眺海心廟。後來幾次小規模填海已經將海岸線推出並拉直[1]

1970年代,土瓜灣海心島嘅龍母廟因填海而拆卸,龍母像就改設喺土瓜灣天后廟。

建築[編輯]

土瓜灣天后廟屬兩進三開設計,兩邊設有廂房,天井位置就改為拜殿。而後進嘅屋頂有尾形嘅裝飾。

天后廟正殿供奉天后娘娘,右側嘅偏殿就供奉觀音、王母、龍母同列聖。

參考[編輯]

  1. 香港掌故-造地編 三之三 互聯網檔案館歸檔,歸檔日期2011年4月1號,. 《香港掌故》