城巴機場快線

出自維基百科,自由嘅百科全書
Jump to navigation Jump to search
一架城巴機場快線巴士

城巴機場快線城巴1998年7月6號香港國際機場開幕後所提供來往市區同埋機場嘅巴士服務。

車隊[編輯]

城巴機場快線初期使用嘅丹尼士三叉戟巴士

城巴機場快線營運初期,用車全部係丹尼士三叉戟三軸巴士,其中51架配都普金屬部分DM5000車身(車隊冧巴2100同埋2112-2161,內部稱為Trident A型[1]),11架配亞歷山大ALX500車身(車隊冧巴2101-2111,內部稱為Trident B型[1])。由2006年3月起,為配合A10線投入服務,10架猛獅NL262/R單層巴被改裝成城巴機場快線嘅巴士。2011年9月,為配合A29線投入服務,兩架通常行E21A嘅亞歷山大丹尼士Enviro 500被加裝行李架,但保留原本嘅巴士座椅。2012年6月,再多3架同樣規格嘅亞歷山大丹尼士Enviro 500新車加入城巴機場快線。

城巴機場快線車隊嘅車身顏色係紅色加黃色。所有都普金屬部分車身嘅城巴機場快線巴士喺上層車頭擋風玻璃都貼有「City 市中心↔Airport 機場」字樣貼紙。

城巴機場快線嘅巴士設有大型行李架。喺雙層嘅機場巴士嘅行李架上設有閉路電視,連接到去上層嘅電視熒幕。所有機場巴士都設有LED報站機,廣播下一站嘅名、去市中心/機場嘅大約時間、城巴服務資訊以及途經景點介紹等等。另外,車內設有高背飛機座椅,挨凭下低有腳踏[2]

喺2012年,城巴為城巴機場快線訂咗66架新一代亞歷山大丹尼士Enviro 500,2013至2014年出。至於原有嘅丹尼士三叉戟巴士,喺2015年或之前已經撤出城巴機場快線,除咗有啲因為燒車或者撞車報廢嘅之外,亦有啲轉咗去行第二啲線,有啲改做訓練巴士,其餘嘅都係直接退役,另有8架賣咗去冠忠巴士,兩架賣咗去新大嶼山巴士。兩架被加裝行李架嘅舊版亞歷山大丹尼士Enviro 500亦拆咗行李架,行返E21A。

全部10架猛獅NL262/R機場巴士都已經喺2016年或之前退役。2016至2018年城巴為城巴機場快線引入咗44架長12.8米嘅新一代亞歷山大丹尼士Enviro 500。

而家城巴機場快線嘅巴士有110幾架。

路線[編輯]

城巴機場快線包含A10、A11、A12、A20、A21、A22、A29、A29P、NA11、NA21同埋NA29十一條機場路線。城巴經營嘅赤鱲角同埋東涌對外線E11、E21、E22、E22A、E22P、E23有時會用到城巴機場快線嘅車。

2005年11月28號,香港特區政府運輸署公開招標營辦商經營全新來往南區(經堅尼地城同埋摩星嶺道)嘅機場巴士線。由於摩星嶺道路窄多彎,運輸署要求營辦商派出短過11米嘅巴士行嗰條線。喺2006年1月23號,運輸署宣布由城巴投得嗰條線嘅專營權,冧巴係A10,全程車費定為48蚊港紙,打破香港收最貴車錢嘅巴士線記錄(原本由A12線保持)。A10線喺同年3月26號投入服務。

由於主要競爭對手龍運巴士只服務新界嘅新市鎮,而城巴嘅主要服務範圍係九龍市區,將軍澳同埋港島區,因此開辦嘅路線比龍運巴士多。

直達機場路線同埋博覽館路線[編輯]

  • A10:機場(地面運輸中心) ↔ 鴨脷洲(利樂街)
  • A11:機場(地面運輸中心) ↔ 北角碼頭
  • A12:機場(地面運輸中心) ↔ 小西灣(藍灣半島)
  • A20:機場(地面運輸中心) ↔ 紅磡站
  • A21:機場(地面運輸中心) ↔ 紅磡站
  • A22:機場(地面運輸中心) ↔ 藍田站
  • A29:機場(地面運輸中心) ↔ 將軍澳(寶琳)
  • A29P:機場(地面運輸中心) ↔ 將軍澳站
  • NA11:機場(地面運輸中心) ↔ 北角碼頭(深宵服務)
  • NA21:機場(地面運輸中心) ↔ 大角咀(浪澄灣)(深宵服務)
  • NA29:機場(地面運輸中心) ↔ 將軍澳(寶琳)(深宵服務)

城巴機場路線注意[編輯]

A10、A11、A12、A20、A21、A22、A29、A29P、NA11同NA29線往機場方向會經機場二號客運大樓

A12線星期一至五朝早0650、0710、0730開出嘅班次會經國泰城

A22線朝早0700-0745開去機場嘅班次會經國泰城

A29P線朝早0540、0710開去機場嘅班次會經國泰城

城巴對外巴士線[編輯]

呢啲路線主要由城巴經營,但有時會用城巴機場快線嘅車嚟行。

  • E11:赤鱲角 / 機場博覽館 ↔ 天后站
  • E11A:赤鱲角 / 機場博覽館 ↔ 天后站
  • E11S:東涌(逸東邨) → 天后站(淨係喺平日朝早繁忙時間服務)
  • E21:赤鱲角 / 機場博覽館 ↔ 大角咀(維港灣)
  • E21A:東涌逸東 ↔ 愛民
  • E21C:大角咀(維港灣) ↔ 飛機維修區(淨係喺平日繁忙時間服務)
  • E21X:東涌逸東 → 紅磡站(淨係喺平日朝早繁忙時間服務)
  • E22:赤鱲角 / 機場博覽館 ↔ 藍田北
  • E22A:赤鱲角 / 機場博覽館 ↔ 康盛花園(經將軍澳同官塘,特快)
  • E22C:調景嶺站 ↔ 飛機維修區(淨係喺繁忙時間服務)
  • E22P:赤鱲角 / 機場博覽館 ↔ 油塘(淨係行平日繁忙時間)
  • E22S:東涌(逸東邨) ↔ 將軍澳(寶林)
  • E22X:赤鱲角 / 機場博覽館 ↔ 油塘(淨係行平日繁忙時間)
  • E23:機場(地面運輸中心) ↔ 慈雲山(南)
  • N11:機場(地面運輸中心) ↔ 中環(港澳碼頭)(通宵服務)
  • N21:機場(地面運輸中心) ↔ 尖沙咀碼頭(通宵服務)
  • N21A:機場(地面運輸中心) ↔ 尖沙咀碼頭(通宵服務)
  • N23:東涌站 ↔ 慈雲山(北)(通宵服務)
  • N26:東涌站 ↔ 油塘(通宵服務)
  • N29:東涌站 ↔ 寶林(通宵服務)

參攷[編輯]

  1. 1.0 1.1 城巴內部將車隊嘅丹尼士三叉戟巴士分為5類(A-E型),以A型最豪華。
  2. 陳自瑜編著,《香港丹尼士巴士全集》,香港北嶺國際有限公司出版

參閱[編輯]

出面網頁[編輯]