域多利精神病院

出自維基百科,自由嘅百科全書
Jump to navigation Jump to search
舊華人精神病院
舊華人精神病院側面同職員宿舍

域多利精神病院香港早期嘅精神病院,喺香港島西營盤東邊街盡頭近般咸道,喺1884年啟用,之後歷經擴建,到咗1961年先被全新嘅青山醫院取代。而家嗰度僅存舊華人精神病院Old Lunatic Asylum),而家被用作做東邊街美沙酮診所。三層高嘅主樓同隔籬單層嘅職員宿舍已被評為香港二級歷史建築

[編輯]

1875年之前,香港嘅外籍精神病人會被禁錮喺域多利監獄,華籍病人就囚禁喺東華醫院嘅「癲人房」裏面。當時,香港政府認為需要另設地方畀精神病人,就喺1884年喺西營盤東邊街盡頭起咗一間外籍人士精神病院(而家戴麟趾康復中心嘅位置)。六年後(1891年),首間華人精神病院亦喺鄰近高街嘅交界開設,病院樓高三層,用紅磚同花崗石砌成,包括主樓同宿舍。1906年,香港立法局通過對待瘋癲者嘅法例,將兩院合併做域多利精神病院。1930年代尾,隨住域多利精神病院不敷應用,政府就徵用附近嘅國家醫院外籍護士宿舍(即而家嘅西營盤社區綜合大樓),做咗女子精神病院,喺1941年啟用。

香港重光之後,域多利精神病院恢復運作。到1961年,新界屯門區青山醫院啟用,取代咗域多利精神病院。原本外籍人士精神病院拆咗,改建做戴麟趾康復中心。華人精神病院就得以保留,初時地下改做麻瘋病診所,一樓改做霍亂病院,1972年起改做美沙酮診所。

建築[編輯]

喺1891年起嘅三層高大樓係新喬治亞時期嘅建築,紅磚拱廊拱心石係當時建築嘅典型特徵,呢類建築喺當時相當普遍,但而家香港重存在嘅新喬治亞時期建築數量已經唔多。

出面網頁[編輯]