大石古觀音廟嚮棟高樓腳下面
前門
大石鼓觀音廟（門口俗字大石古觀音廟），又叫大石鼓廟、水月宮、旺角水月宮等，係香港一觀音廟，喺旺角山東街，麥花臣球場對面，樓上面係東華三院中文大學旺角分校。每年主要活動包括農曆正月廿三觀音開庫。廟係一座單層高嘅建築物，中式傳統設計紅牆綠瓦屋頂。
之所以叫大石鼓，皆因呢度唔係原址，而喺大石鼓。大石鼓，喺窩打老道同亞皆老街交界，近加多利山。大石鼓，係就石似大鼓，卽係大嚿石，村居以石爲地名。一九二六年，政府開拓大石鼓馬路，就搬到現址，並由廣華醫院管理。
水月宮係觀音廟另一個名，拜觀音，以水月觀音之相顯現。
