天水圍親子示威

天水圍親子示威，係2019年9月14號由香港民間人士發起嘅一次反逃犯條例修訂示威。

呢次示威本嚟係天水圍親子遊行，由天水圍天秀路公園行到天水圍站，但警方出咗「反對通知書」，主辦單位宣佈取消遊行。但係有天水圍街坊同區外民眾嗰日照到原定遊行起點，行到天瑞路附近同警方對峙，之後多數示威者入咗T Town商場後解散，亦有示威者設置路障，但最後未有爆發衝突，亦冇人被捕。

擔任呢次示威活動嘅申請人，係屯門社區關注組前成員陳詩雅（2021年被判宣誓無效），佢其後代表天民台喺第6屆香港區議會選舉參選元朗頌華選區，成功揮低力爭冧莊嘅民建聯成員黃煒鈴。