安全困境

安全困境（粵拼：on1 cyun4 kwan3 ging2；英文：security dilemma）係國際關係上嘅一個概念，指一個國家為咗自我保護而加強軍事力量，令到第啲國家跟住噉樣做，搞到局勢變得緊張。就好似監躉困境講嘅噉。

理論解釋[編輯]

喺國際關係上，軍備競賽（arms race）係指兩個或者以上嘅國家鬥提升自身嘅軍隊嘅戰鬥力－包括咗鬥培訓士兵、鬥生產武器同埋鬥開發新武器呀噉^[1]^[2]。想像家陣有若干個國家，對於每個國家嚟講^[3]^[4]：

佢有「提升軍隊戰鬥力」同「唔提升軍隊戰鬥力」兩個可能嘅選項；
「軍隊戰鬥力高過第啲國家」對佢嚟講有利；
佢有能力用自己嘅情報機構嚴格控制有關自己軍事力量實情嘅情報，即係話佢嘅軍事力量實情係一樣私密資訊（private information）－係第啲國家唔知嘅；
噉亦都表示，佢唔能夠清楚知道第啲國家嘅軍事力量實情；

喺最基本上，想像美國同蘇聯兩個國家，「合作」表示「唔提升軍隊戰鬥力」，「背叛」表示「提升軍隊戰鬥力」。原則上，「大家齊齊冇戰鬥力」就唔會打仗（ $R,R$ ），但現實係，「人哋提升戰鬥力，自己唔提升」係一個極壞嘅情況（即係話 $P>S$ ，而且 $T>R$ ）^[5]，所以對於兩個國家嚟講，揀「背叛」係佔優策略（無論對手揀乜，對自己嚟講都係最有利嘅策略），而且大家齊齊揀「背叛」係成場博弈唯一一個拿殊均衡點－大致上就好似監躉困境（prisoner's dilemma）嘅情況噉樣^[3]^{:p. 6-7}：


	蘇聯揀合作	蘇聯揀背叛
美國揀合作	R, R	S, T
美國揀背叛	T, S	P, P

於是國家就陷入安全困境。

睇埋[編輯]

國防

攷[編輯]

↑ Smith, Theresa Clair (1980). "Arms Race Instability and War". Journal of Conflict Resolution. 24 (2): 253–284.
↑ Kydd, A. (1997). Game theory and the spiral model. World Politics, 371-400.
↑ ^3.0 ^3.1 Baliga, S., & Sjöström, T. (2004). Arms races and negotiations. The Review of Economic Studies, 71(2), 351-369.
↑ Schelling, T. C. (1958). The strategy of conflict. Prospectus for a reorientation of game theory. Journal of Conflict Resolution, 2(3), 203-264.
↑ Jervis, R. (2017). Perception and misperception in international politics: New edition. Princeton University Press.

[1] Smith, Theresa Clair (1980). "Arms Race Instability and War". Journal of Conflict Resolution. 24 (2): 253–284.

[2] Kydd, A. (1997). Game theory and the spiral model. World Politics, 371-400.

[baliga2004-3] 3.0 ^3.1 Baliga, S., & Sjöström, T. (2004). Arms races and negotiations. The Review of Economic Studies, 71(2), 351-369.

[4] Schelling, T. C. (1958). The strategy of conflict. Prospectus for a reorientation of game theory. Journal of Conflict Resolution, 2(3), 203-264.

[5] Jervis, R. (2017). Perception and misperception in international politics: New edition. Princeton University Press.

[1]

[2]

[3]

[4]

[5]