宋郁文

出自維基百科,自由嘅百科全書
宋郁文
出生日1917年 喺Wikidata改呢個
出生地江門市 喺Wikidata改呢個
死亡日1985年8月10號 喺Wikidata改呢個
國籍香港 喺Wikidata改呢個
職業作家 喺Wikidata改呢個

宋郁文1917年1985年8月10號),名湘,廣東鶴山平岡村人。細個喺廣州返學。1933年入廣州《共和報》,歷任校對、采訪、編輯等職。1937年抗日戰爭爆發,佢兼主編《鐵血畫報》,又參加第四戰區政治部攝影大隊。後兼《大公報》廣州分館記者。1938年10月,轉任香港《大公報》戰地記者。旋返粤北曲江,歷任《大光報》編輯、採訪主任、編輯主任、總編輯各職,並創辦《風采樓》小報。1941年任《大光報》粤南版副主任兼總經理,又創辦《立言報》,後升總編輯,先後兼辦《西南日報》、《前鋒報》。抗戰勝利後,兼辦《天行報》、《原子能》雜誌。1949年10月,任《星暹日報》、《星泰晚報》編輯。1952年任香港《成報》編輯兼主筆,後先後兼珠海書院編輯學教授、樹仁學院文科教授、信義宗書院新聞系主任、香港中文大學校外進修部新聞標題學講師、香港大學校外課程部新聞文憑班講師。

1966年10月,任中華學術院詩學研究所委員。1969年開始任香港電台《咬文嚼字》節目主持人,做咗14年。1978年10月,任《名流》月刊總編輯。

1985年8月10號,宋郁文喺香港法國醫院因為癌病逝世,終年68歲。佢留低老婆同4仔1女,包括宋韶光

宋郁文著有《三國雜談》、《杜甫詩話》、《唐詩戲講》、《俗語拾趣》、《廣州常用語僻字》等。