算盤

唐人算盤

日本算盤

俄國算盤

算盤（英文Abacus）係一種計數架生，佢個款係有個木框。裏面有一支支籤串住算珠。算盤估計響公元前1000年到前500年之間出現。響世界各地都有用過算盤來計數。嘅可以分為每行七粒珠（上面啲珠嘅數值係5，下面啲珠嘅數值係1）同埋五粒珠嘅算盤。唔同地方有唔同算盤，好似有中國算盤、巴比侖算盤、羅馬算盤、日本算盤、俄羅斯算盤、敎育算盤等等。

但係而家已經冇乜地方用，就算啲華資銀行都唔再用。間中重有一兩間涼茶舖用來做裝飾。

密底算盤

一般算盤，上下打通。唔方便傾生意，因爲計乜數，出乜數，都畀人睇晒。密底算盤，將算盤底冚密。底向出嘅話，自己打乜數，都無人知。要出乜價，打完畀對方睇，講價唔使出一聲。

廣東話有講，密底算盤—冇漏罅。即係話一文錢都唔放過，算到盡。

文法

文法上講，算盤係一個個來計，即係一個算盤咁。