魚尾夾
魚尾夾(夾變調讀陰上)係一個夾紙嘅夾。係用一塊長方鋼片，拗成等腰嘅三角柱體。鋼片兩條夾口邊會卷起，等佢唔好夾爛張紙。魚尾夾之所以夾到嘢，就係靠夾本身個底，鋼片底兩面灣嘅張力，令到個夾埋。夾口兩條卷邊，亦都會各自彈住兩條鋼綫。每條鋼綫都成個圈做柄，一來兩邊柄可以摱開個夾口夾嘢，二來夾好後可將個啪落來，用夾口圈個設計，個柄彈落貼住啲紙。咁樣個夾可以平啲，可以疊(音踏)高啲。個柄啪返起，就可用手指夾住兩邊柄，放返啲紙出來。
魚尾夾大細好多隻，通常用9毫米底夾仔，或者38毫米底大夾。中夾有15毫米底，56毫米高。重有好多其他大細。睇下要夾幾多同埋夾乜嘅。通常魚尾夾夾身油到黑晒，而個柄就鍍鉻。之不過，亦都有多唔同隻可以揀。
魚尾夾夾嘅紙通常要多啲，廿五張以上到。如果無咁多，用萬字夾就夠。