過底紙
過底紙，又叫做碳紙（碳式複寫紙嘅簡稱），係一張響上面寫字，會印埋落下面嘅紙，係文具一種。過底紙嘅一面黐咗一層乾嘅墨或者色水；一般用蠟黐實。過底紙夾響兩張紙（或文件）之間，喺面頭寫嘢嗰陣，筆尖產生嘅壓力壓咗過底紙嘅墨落去下底張紙度，上面寫乜下面就印乜。
今時今日，獨立一張嘅過底紙（圖）已經好少見。影印機已取代咗佢復印文件嘅功能，不過而家，「過底紙」變咗一式多份嘅文件、收據嘅一部分，好似買嘢畀錢用信用咭，印出嚟嘅一式多份嘅收據，上面嘅資料同個簽名就係靠紙背面嘅墨過落張底度。同過底紙唔同嘅地方就係層墨好厚，可以用好多次，過底文件層墨好薄，一次過。
有人用過底紙嚟實驗藝術，當畫紙咁用[1]同埋裝飾信封[2]。