紙擦筆

一支紙擦筆

紙擦筆嘅用途示範

一幅素描，紙擦筆可以做出光滑嘅質感

紙擦筆（Zi² Caat³ Bat¹）（又叫做擦筆（Caat³ Bat¹）、紙筆（Zi² Bat¹），英文：Tortillon）係一種紙制筆形嘅文具，用來捽散鉛筆、炭筆、蠟筆之類啲筆嘅筆跡，可以製造出唔同嘅深淺度同質感，畫炭相、素描經常用到。紙擦筆一般都係將一張紙捲到好緊之後再刨出個尖噉造出來，最啱攞來捽一啲好細節又或者手指碎布唔方便捽嘅地方。如果支紙擦筆用到已經黑嗮，黐滿嗮顏料嘅話，可以攞砂紙砂板、布料、膠擦之類粗嚡嘅嘢將佢磨返乾淨；又或者如果鈍咗，畀壓爛咗，就可以攞把刀或者筆刨刨返尖佢。一般嘅文具店就揾得到。

由於紙擦筆無笔芯，純粹係由張紙捲成，佢唔係鉛筆嘅一種，亦無顏色上嘅差別。