密碼

英文維基要人入密碼簽到嘅版面

密碼mat6 maa5（英文：password），喺珠三角嘅粵語區又叫暗號am3 hou6，喺香港又叫通行碼tung1 hang4 maa5，喺北話地區又叫口令hau2 ling6，係身份驗證用嘅編碼嘅同時，又係一種用嚟搞亂嘅技術。密碼呢一個概念有好耐歷史，譬如古時行軍打仗，避免敵軍混入，入軍營都有講啱密碼先至入得。到電腦普及嘅年代，密碼就用嚟做電腦戶口嘅身份驗證。佢嘅功能係希望講正常同可以識到嘅嘢變成用唔到嘅嘢。

由來

公元前405年，雅典同斯巴達之間嘅比羅波耶戰爭就快結束，斯巴達軍隊一直領先緊，準備出最後一擊嚟搞掂雅典。嗰時原來企喺斯巴達嗰邊嘅波斯帝國突然改變態度話唔幫斯巴達，諗住喺雅典同斯巴達打起身嗰陣倒戈。嗰時斯巴達就一定要搞清楚波斯帝國下一步嘅戰略，就喺嗰時捉咗一位從波斯帝國返嚟雅典送信嘅雅典信使。斯巴達啲兵搜咗呢位信使身，點知摷來摷去凈係得條寫住亂序希臘字母嘅腰帶。斯巴達軍隊嘅統帥賴山達覺得條腰帶入面啲字有輘輷ging2 gwang2，後嚟佢研究咗好耐，試過將腰帶入面啲字用各種方法嚟重新排過都破解唔到，就喺賴山達開始失去信心嗰陣，佢無意噉將條腰帶捹到去手頭嘅劍頂嗰度，隨即發現腰帶入面嗰啲立立亂嘅字母即刻變成咗一段有意義嘅文。呢個正係雅典間諜送返嚟嘅一份情報，佢話畀雅典知波斯軍隊準備喺最後一次打斯巴達嗰時突然打返斯巴達軍隊轉頭。而斯巴達軍隊由於破解咗呢份情報，先至改變作戰計劃，好快脆就搞掂咗冇乜防範嘅波斯軍隊。最後斯巴達軍隊返咗嚟雅典先至慶祝佢哋最後贏咗呢場仗。

而雅典間諜送返嚟嘅腰帶情報就係世界上最早嘅密碼。佢用嘅方法就係負責通信嗰兩位必須要知密碼係點讀嘅（其它人都唔知），之後通信—方通過腰帶或羊皮等其它嘢綁喺指定長度同粗幼嘅棍度寫。等收料人收咗之後如估唔將腰帶綁喺一樣長同一樣粗幼嘅棍度，凈係睇到啲立立亂嘅字。後嚟噉嘅密碼通信方式即刻喺希臘普及。有講法話現代嘅密碼電報就係基於呢樣嘢發明。

密碼嘅強度

密碼可以係簡單嘅數字或英文整成，例如出世日期、生日、學號、英文名、住址、性別、自己嘅名、電話冧巴、手機冧等，但係呢啲密碼好容易俾人估中；而太複雜嘅密碼就好難記。一般比較好嘅密碼係識遵守「易記難估」嘅原則。就係除咗有一定嘅複雜度之外，重要容易記先至得。

一般嚟講，加密碼嘅長度、唔冇用連續嘅字母（例如123456、abcdef等）或睇落去好似比較難破解但係好容易估到嘅密碼（例如qwerty、qazwsx、123qwe等）或比較成日見到嘅詞（例如admin、welcome、iloveyou、password嗰啲）先至可以加到密碼嘅強度。

睇埋

• 密碼學

攷

• 密碼戰 台灣Wiki
• Large list of commonly used passwords
• Large collection of statistics about passwords
• Graphical Passwords: A Survey
• Centre for Security, Communications and Network Research, University of Plymouth
• Research Papers on Password-based Cryptography
• Procedural Advice for Organisations and Administrators
• The international passwords conference