生日

出自維基百科,自由嘅百科全書
生日蛋糕

生日粵拼saang1 jat6),又叫生辰saang1 san4壽辰sau6 san4牛一ngau4 jat1[1],係每逢出世嗰日周年嘅日子,就會慶祝自己大一歲。

慶祝[編輯]

生日蛋糕
生日禮物

有啲人慶祝生日嘅方法係同屋企人或者情人食餐飯,有啲可能會請晒啲親朋戚友開party,或者用其他方法慶祝。

慶祝生日好多時都會食生日蛋糕,好多時幫某人慶祝嘅人會或者一個咁嘅蛋糕,同埋係上面點蠟燭(個壽星仔/女幾多就擺幾多枝上去)。喺party入面,啲人就會唱生日歌,然後叫個壽星仔吹熄佢,跟住眯埋許願。之後,大家就會蛋糕。有啲人重會送埋生日禮物俾佢。

香港人同西方人多數係跟西曆嚟慶祝生日,但大陸就有好多人都係跟農曆。但無論跟邊個,一般都係正日或之前慶祝,好少會過咗嗰日先至慶祝。另外,一個人每19年就好有機會西曆同農曆生日都喺同一日,即係19歲、38歲、57歲、76歲等等。

生日同占星術[編輯]

對一啲人嚟講,生日同占星術係好大關係嘅。

好多人會就咁睇個出生日期,嚟睇番個人係屬於12星座入面嘅邊一個,然後估計佢有咩性格;有啲人又會再細分48個小星座。但係呢啲方法都太過概括。

其實根據正統嘅占星術,正確嘅做法應該係憑佢嘅出生日期、時間、地點,整一幅命盤(或叫「星圖」、「出生圖」,手畫或者用電腦軟件嚟畫),然後去分析佢出世嗰一刻,個太陽上升星座月亮水星金星等其他行星所位於嘅星座同埋宮位,去分析佢嘅性格同命運。就咁用12星座嚟分析嘅話,就變咗淨係睇太陽嘅星座位置,而冇睇佢嘅宮位、其他星體嘅位置,同埋星體之間嘅連繫;而且出生嘅日期、地點(例如邊個城市)同準確嘅時間都好緊要。如果要睇兩個人係咪「合襯」,亦都係要咁樣睇。

不過,呢門學問雖然已經有好耐歷史,但佢始終唔係一門科學,所以可以話係冇得證實。亦有好多人認為信占星術(或者話信星座)係迷信

睇埋[編輯]

[編輯]

  1. 個「生」字個「牛」字加一劃。

出面網頁[編輯]