小磯國昭
| 小磯國昭 | |
|---|---|
 東京審判時期 | |
 日本第41代 內閣總理大臣 | |
| 任期 1944年7月22號 - 1945年4月7號 | |
| 前任 | 東條英機 |
| 繼任 | 鈴木貫太郎 |
| 日本第15、17代 拓務大臣 | |
| 任期 1939年4月7號 - 1939年8月30號 | |
| 前任 | 八田嘉明 |
| 繼任 | 金光庸夫 |
| 任期 1940年1月16號 - 1940年7月22號 | |
| 前任 | 金光庸夫 |
| 繼任 | 松岡洋右 |
| 日本第8任 朝鮮總督 | |
| 任期 1942年6月15號 - 1944年7月24號 | |
| 前任 | 南次郎 |
| 繼任 | 阿部信行 |
| 個人資料 | |
| 出世 | 1880年3月22號.svg){kind=small} 大日本帝國栃木縣宇都宮市 |
| 死 | 1950年11月3號（70歳） 日本東京都豐島區巢鴨監獄 |
| 政黨 | 大政翼贊會 |
| 簽名 |  |
| 軍事背景 | |
| 軍銜 |  陸軍大將 |
| 部隊 | 大日本帝國陸軍 |
| 指揮 | 關東軍参謀長 朝鮮軍司令官 第五師團團長 |
小磯國昭（日文：
簡歷
[編輯]小磯1880年響栃木縣宇都宮市出世，阿爸小磯進既係山形縣士族（舊新庄藩藩士），亦係前眾議院議員。佢先後就讀新庄小學校、上山小學校、山形中學校（即依家嘅山形縣立山形東高等學校）、陸軍士官學校同陸軍大學校，1901年正式參軍。
1938年畀人編入予備役，一年後隨即出任拓務大臣（第15同第17任）。1942年出任朝鮮總督，沿用返上一任總督南次郎嘅政策，大力推行內鮮一體教育，話「朝鮮人同日本人係同一個民族」，以呢個藉口去打壓朝鮮人嘅抗日行動。佢響朝鮮嘅成績都幾亮眼，仲畀人叫做「朝鮮虎」[1]。
首相時代
[編輯]
1944年，日本軍響東條英機嘅帶領下成日打輸仗，6月15號爆發嘅塞班島戰役入面更加死傷慘重，輸到底褲都冇埋，東條被迫辭職。臨走前，佢點名小磯國昭同米內光政做首相候選。響海軍同陸軍嘈完之後，決定由小磯出任首相，米內出任副首相兼海軍大臣。但係小磯冇乜參加過二戰（六年前已經編入予備役），對二戰情況唔熟識，因而多次錯判當前形勢。
國內事務方面，佢話要重視防衛，提出「一億總武裝」計畫。但無幾耐嘅東京大空襲，好多人因為「防空法」（「防空法」即係指市民響空襲嗰陣有義務救人，違者要罰錢）想去救人而死，令到日本國民開始意識到自己畀政府呃咗，唔再相信政府講嘅嘢。小磯內閣嘅公信力跌到好低，支持度亦大跌[2]。
小磯想同美國和談，諗住用雷伊泰灣海戰嚟打擊一下美國士氣、方便談判，點知反而畀美國追住嚟打，日本海軍輸清光，和談唔使諗[1]。
對中國，佢主張用繆斌同國民政府傾掂數；重光葵、杉山元同米內光政表示反對，昭和天皇表示唔信任繆斌，但小磯都係支持佢。最後繆斌傾唔掂數，空手而回，搞到小磯得罪咗好多人。
國內事務搞唔掂，外交又失敗，佢最後被迫響1945年4月7號總請辭，讓位畀昭和天皇嘅心水人選鈴木貫太郎。
戰後
[編輯]1945年8月15號日本宣佈投降，11月19號佢同另外11人先後畀GHQ拉咗，收押響巢鴨監獄。1948年佢畀遠東國際軍事法庭判為甲級戰犯，判終身監禁，兩年後響監獄入面因為食道癌而病死，終年七十歲。
屋企
[編輯]攷
[編輯]- ↑ 1.0 1.1 自由時報電子報 (2018-12-12)。〈政治的日常》螳臂當車的悲劇首相小磯國昭 - 自由評論網〉。《自由時報電子報》。喺2021-09-18搵到。
- ↑ 〈東京大空襲から76年～危機にあって無能の宰相・小磯国昭～（古谷経衡） - 個人〉。《Yahoo!ニュース》 (日文)。原著喺2021-09-18歸檔。喺2021-09-18搵到。