崔顥（顥讀號，粵讀：ceoi1 hou6，704年—754年）係大唐詩人，汴州人（家下嘅中國河南開封），開元十一年（723年）進士，做官到司勳員外郎。
崔顥當時就係有名文人，家下流傳落來嘅詩有四十二首咁多，其中黃鶴樓畀人列爲唐詩經典，乃至話係全唐七律第一詩。
相傳，李白來到黃鶴樓，見到崔顥喺牆上嘅題詩，讀咗後居然覺得自己點吟到無句好得過佢！話「眼前有景道不得，崔顥題詩在上頭」，於是就無作詩。同王維一樣，崔顥睇作係精通近體詩嘅詩人之一。
