巨星雪條

巨星雪條，雪條一種，外表三色，上段啡色有彩色糖粒，中層白色，下層紅色。今下雀巢公司產品。本身英國里昂公司產品，一九六七年五月，乘電視片集興起，對準女仔市場推出。香港嘉頓出過叫巨星雪條，後來停產。英國紅色士多啤梨味，而香港紅色西瓜味。

二十世紀八十年代里昂公司出問題，當中將雪糕業務賣畀雀巢公司，就連帶將呢隻變咗雀巢旗下。英文名舊寫FAB，今寫fab。英文fab正寫fabulous，有驚人或極好意思。二〇二〇年，雀巢香港一度推出，直接用英文包裝，然而大眾仍舊叫巨星雪條。

啡色朱古力，白色雪糕，紅色士多啤梨味。原本紅色似啫喱，後尾變咗菓汁雪條咁。三段並非三截咁，而係一層套一層咁。因而個心紅色，再套白色，再套啡色。

菓汁有出過其他味，好似檸檬味、蘋菓味、黑加侖子味等。