西瓜

西瓜
物種分類
界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 葫蘆目 Cucurbitales 科 葫蘆科 Cucurbitaceae 屬 西瓜屬 Citrullus 種 西瓜 C. lanatus
二元學名
Citrullus lanatus
2005年全球出產嘅西瓜數據

西瓜（粵拼：sai¹ gwaa¹；學名：Citrullus lanatus）係葫蘆科西瓜屬嘅一年生草本植物，亦都係種生果。原產地喺非洲嗰邊。如估按類嚟分嘅話，佢重可以分成野生品種同種植品種。如估按重量嚟計嘅話，西瓜有成92%係水，佢重係水份比例最高嘅生果。

名

西瓜喺公元10世紀傳到中國內地，由於佢喺西邊嗰度出嚟先至改咗「西瓜」嘅名。

形態

西瓜嘅葉通常係濃綠而且有好深嘅缺位，佢開嘅花係黃色兼且係單性。喺結果嗰時，西瓜一般係綠皮，而肉類方面，有深紅、粉紅、黃色或白色嘅品種。

營養價值

西瓜有好豐富嘅營養成分，佢嘅果肉包含蛋白質、磷酸、蘋果酸、果糖、蔗糖、葡萄糖、氨基酸同胡蘿蔔素等好多好多嘅營養物質，所以食落好多汁。尤其係西瓜籽，佢嘅蛋白質量重多過街邊賣返嚟嘅大米同小麥。

史

而家應該好難知喺幾多年開始種西瓜嘅。不過佢有史記錄話西瓜喺第一次開始有收成嗰時，就係講返喺5000年前嘅古埃及。由於西瓜嘅果成日放喺法老嘅陵墓嚟畀下世去食。但實際喺埃及神話入面，佢哋重信西瓜係由碩夫嘅精液搞出嚟嘅嘢。

未到公元10世紀嗰時，西瓜重係非洲沙漠地區嘅野生植物，而嗰時凈係畀大笨象、犀牛等動物成日食嘅嘢，後嚟經過咗人工馴化咗呢啲植物之後先至發展到而家人喺夏天清熱解渴嘅嘢。

到咗公元10世紀嘅五代十國嗰時，西瓜就從中亞地區經過絲綢之路嘅方法嚟傳到中國。到咗宋朝嗰時佢就喺中國嘅邊個地方都可以見到佢。

全球各地唔同嘅名

西瓜喺唔同國家嘅語言入面，甚至係古代嗰時都有唔同嘅嗌法。以下係唔同國家語言嘅唔同嗌法：

語言	嗌法
简体中文	西瓜
繁體中文	西瓜
粵語	西瓜
文言文	寒瓜
English	watermelon
日本語	スイカ／水瓜
{فارسی	تربزه／تربز
العربية	سندية
Français	melon d'eau／pastèque
Español	melón de agua
درى	خربزه
Türkçe	karpuz
Türkmençe	garpyz
Português	arbuz
Oʻzbekcha	tarvuz
اردو	تربوز
हिन्दी	तरबूज़
Русский	арбуз
Українська	кавун
Polski	arbuz
Ἑλληνικὴ γλῶττα	καρπός
現代Ελληνικά	καρπούζι
한국어	수박
ಕನ್ನಡ	ಕಲ್ಲಂಗಡಿ
Bahasa Indonesia	Semangka

用途

一杯西瓜汁

西瓜唔單止可以用嚟食，重可以用喺以下呢啲用途：

• 可以浸喺酒精入面發酵，整成啱好夠嗮味嘅西瓜酒。
• 西瓜皮重可以攞嚟食。因為佢有時都喺蔬菜。喺中餐入面有炒、炖同腌西瓜皮嚟食。
• 西瓜核唔單止可以用嚟食，重可以用嚟整配菜或植物油都得。因為西瓜核有好多脂肪同蛋白質。
• 西瓜重可以榨果汁。
• 如估將西瓜切成三角形噉再放落去雪櫃入面凍佢嘅話，拎出嚟重可以當成雪條嚟食。

藥用價值

西瓜嘅瓜皮同藤重可以用嚟入藥，佢可以醫：

部位	功效
瓜皮	熱氣搞出嘅嘴同脷生瘡 內挫搞出嘅腰痛 食得瓜子太多搞到唔係好舒服。
藤	解酒

品種

家吓全世界有1200個唔同嘅品種嘅西瓜。一般嚟講，西瓜嘅重量最輕嗰個起碼＜1kg，最重嗰個起碼＞90kg。而顏色方面就好多，有紅、橙、黃同白呢5種顏色。而家西瓜嘅品種一直喺度唔停噉發展，重有啲人都培養咗好多得意嘅西瓜出嚟。

• 世界上最重嘅西瓜，就係卡羅利娜十字（Carolina Cross）嗰個品種，有120kg咁重。而佢嘅果方面，係綠皮紅肉。佢出嘅果仔起碼有29——68kg咁重。如估種佢嘅話，起碼最快有差唔多3個月就有收穫。
• 而細黃金（Golden Midget）嗰個品種嘅洗過喺熟咗嗰時，係金皮粉紅肉嘅品種。而且種佢70日就有得收穫。
• 而Orangeglo嗰隻品種係好甜嘅西瓜品種。佢嘅肉係橙色，而且又大，好似個橢圓形噉。而呢啲品種嘅西瓜起碼有9——14公斤到。佢嘅皮係淺綠色且有鋸齒噉嘅深綠色紋響度。呢隻品種嘅西瓜從佢開始種嗰時，到佢熟嗰陣起碼要90——100日。
• 而星月（Moon and Stars）品種嘅西瓜係1926年美國創嘅一個西瓜品種，佢嘅皮係紫色或黑色嘅品種，而且有好多又細又黃嘅星同埋1——2個又大又黃嘅月光噉嘅樣啲符號響度。而呢隻瓜嘅品種起碼有9——23公斤到。佢嘅皮係粉紅或紅色，而且有啡色嘅核，加上佢啲葉有斑紋響度。如估種佢嘅話，起碼差唔多3個月就有得收穫。
• 而沙士加芝灣之糕（Cream of Saskatchewan）嘅品種就好細隻，一般係好似個波噉，得25cm到嘅直徑。而且佢嘅樣都好細粒，皮係淺綠色帶有深綠色嘅條紋響度，啲味都好甜吓。佢嘅肉係白色，核係黑色。但係呢啲品種嘅西瓜係好難先至見到佢，因為佢唔單止凈係得好涼爽嘅天氣先至可以種到佢，而且呢啲西瓜凈係喺加拿大嘅沙士加芝灣地區嗰度嘅加拿大籍俄羅斯人嘅手度先至可以買到。呢啲西瓜品種起碼80——85日先至有得收穫。
• 而喺烏克蘭嘅美利特堡嗰邊嘅西瓜係又細又圓嘅，直徑大概28——30cm到，呢個品種嘅西瓜原產地喺俄羅斯嘅阿斯迪拿柬州嗰邊。喺每年夏天嗰時，呢個品種嘅西瓜喺尤莫斯科嘅街頭嗰啲走鬼成日賣佢嘅。呢啲西瓜品種如估種佢嘅話，起碼至少有95日先至有得收穫。
• 而日本嘅傳助西瓜（日文：伝助スイカ）品種就好圓吓，有11kg到重。佢啲皮係黑色，而且冇邊同斑紋響度。而且呢啲品種嘅西瓜凈係喺日本嘅北海道地區先至見到佢。嗰邊起碼去到每年10000隻嘅年產量。
• 喺中國內地嘅黑龍江農科院嗰邊，當地就培養咗種跌唔爛嘅西瓜出嚟。佢可以喺成1米高嘅地方跌落嚟都唔爛，方便用嚟運輸。
• 喺中國內地嘅廣東省高鶴縣（而家係佛山市高明區同埋江門市鶴山縣組成嘅一個地方名）嗰邊試過成功種咗個方形嘅西瓜出嚟，方便堆放同運輸。
• 喺中國農科院嗰邊重搞咗個比較遲熟嘅西瓜出嚟，喺秋末冬初嗰時都重有得出嘅品種。

相

植物

一隻西瓜  西瓜嘅花  西瓜嘅葉  西瓜公同西瓜乸

品種

街市入面啲西瓜  冇核嘅紅肉西瓜  黃肉西瓜  好似正方體嘅西瓜  一般嘅西瓜  墨西哥街頭入面嘅黃皮西瓜  好似青瓜噉嘅西瓜  園轆轆嘅黃皮西瓜

文化

西瓜醬  擺酒嬯上邊嘅西瓜  某國家嘅西瓜文化節  美國其中一個州嘅搶西瓜節

文化

龍井西瓜文化節

由2015年開始，每年嘅5月17號到5月18號，臺灣臺中市嘅龍井區成日辦每年一度嘅「龍井西瓜文化節」。因為喺臺灣，龍井嗰邊嘅西瓜比較靚，所以當地嘅龍井區農會希望通過呢個活動嚟推廣龍井區嘅西瓜。

中國西瓜博物館

內文： 中國西瓜博物館

喺北京市大興區嘅龐各莊鎮入面，由於佢啲西瓜品種喺中國內地同國外出咗名。佢當地為咗宣傳西瓜嘅文化嚟發展佢當地嘅西瓜業，所以大興區委同政府、重有龐各莊鎮政府一齊出咗1200幾萬蚊嚟起咗間西瓜博物館。

西瓜園遺址

內文： 西瓜園遺址

喺廣東省廣州市嘅越秀區入面，人民路差唔多上下九嗰頭，嗰度有笪地係同「西瓜」有關。根據傳說嗰度話過，係一位姓駱嘅官員因為「馬生角（各）」呢句話先至捉咗個疑犯（因為嗰時出現咗「血西瓜」嗰單嘢），後嚟啲人因為呢件事先至將呢度改名做「西瓜園」。

硬西瓜

喺美國同南非當地有隻比較得意嘅西瓜就係有酒嘅硬西瓜。而呢啲唔係自己生成噉嘅，而係通過啲人嚟整，將西瓜鉆個窿嚟加啲高度酒入面，用嗰時同食普通嘅西瓜差唔多噉。

腌西瓜皮

喺俄羅斯嗰邊成日好興搞腌西瓜皮。

掟西瓜落海招魂

嶺南沿海地區習俗，如果有人跌落海失咗蹤，親屬會掟西瓜落海，大嗌「返來囉」招魂，隔一陣佢條屍會蒲返上水。

一季之話

喺日本嗰邊，西瓜係成日喺夏末秋初時期嘅一季之話。喺每年一過咗立秋嗰日，就成日用「一季之話」呢個講法。如估盂蘭節嗰時嘅施狐行過一埞嘅話，施食會就識畀個西瓜出嚟。呢個係為咗畀死咗嘅靈魂有得解渴噉解。

打西瓜

內文： 打西瓜

喺日本嘅每年夏天嗰時，海灘嗰頭嘅打西瓜遊戲係出咗名嘅。佢嗰邊係冇限制人數嚟參加呢個玩法，而且邊個都啱玩嘅。

廣東兒歌

喺廣東嘅粵語區入面，嗰度有首嗌「大西瓜」嘅兒歌都幾出名吓。其中歌詞係成日圍繞「西瓜」呢樣嘢嚟講嘅。

做個創世神嘅遊戲道具

喺做個創世神嘅手機遊戲入面，有個同「西瓜」有關嘅道具，喺佢嗰邊嘅遊戲係成日嗌「Melon」。另外，佢嗰邊重有「西瓜核」同埋「識眨嘅西瓜」、「西瓜片」呢三個道具。

有關嘅書

• 中国少年儿童百科全书 自然·环境 第406页　浙江教育出版社 ISBN·7-5338-1946-2/G·1942

睇埋

• 無籽西瓜
• 黑瓜子
• 西瓜汁

出面網頁

• 西瓜 Xigua 藥用植物圖像數據庫 (香港浸會大學中醫藥學院) （語體中文）（英文）
• （正體中文 - 台灣）西瓜品種、行銷及營養與應用研討會專輯 - 臺南區農業改良場
• 西瓜 中国作文网