巴乍瑪瑪

出自維基百科,自由嘅百科全書
巴乍瑪瑪,宇宙,環·地·聖高路史·帕查古鐵·任奇·薩加邁華西班牙文Juan de Santa Cruz Pachacuti Yamqui Salcamaygua(1613年)。

巴乍瑪瑪粵拼baa1 zaa3 maa5 maa5)或者瑪瑪巴乍艾馬拉話奇楚華話PachamamaMamapacha)係個印加文明嘅圖騰,係啲人會獻上祭品嘅女神。祭祀用嘅祭品係啲農產物同家畜,直到而家個拜祭仲繼續緊。佢係個以南美中央安第斯地方爲中心嘅信仰,流傳幾廣,係當地古神話中代表性嘅女神。

喺前哥倫布時期,佢就係先住民嘅信仰。西班牙侵略以後,基督教好深噉滲透當地,完全信仰印加時代嘅神嘅人好少,而巴乍瑪瑪同聖母瑪利亞融合,而家喺祕魯玻利維亞信仰佢嘅人唔少。但係,近代化嘅波及下,都市嘅後生一趟對宗教唔再抱有關心,信仰慢慢消失緊。但就算係噉講,即使喺都市,信仰嘅儀式作爲節慶、婚禮之際嘅慣習依然殘存落來。

同有母性嘅大地之神巴乍瑪瑪相對,有父性嘅天神稱呼做「巴乍加麥」(Pacha Kamaq)。巴乍加麥往往睇做同太陽神「燕地」(Inti)同一。巴乍加麥同燕地喺印加傳承中係重要嘅神,不過而家佢嘅信仰程度唔及巴乍瑪瑪。

住喺安第斯嘅人,節慶、拜祭飲時,會將少量嘅酒從杯度瀨落地面,然後先再飲嘅習慣。瀨酒係向巴乍瑪瑪報告、感謝嘅儀禮。用粟米發酵而成嘅芝乍(Chicha)酒係安第斯地方常見飲品,特別噉喺飲芝乍酒之前要將酒獻畀巴乍瑪瑪(少少噉瀨喺地面)作爲一項禮儀。另外,喺室內呢種驚整污糟嘅場合,酒只需用手指掂下,再落一滴喺地下就得。

喺玻利維亞北波托史(Norte Potosí)地方搞嘅叫典古(Tink'u)嘅拜祭,會毆打人出血來獻畀巴乍瑪瑪(啲血吸入地下),噉樣來祈願豐收。

語源[編輯]

巴乍瑪瑪意味住「大地如母/大地之母」。

  • 巴乍(pacha):喺艾馬拉同奇楚華係同一嘅單詞,有「大地、世界、宇宙、時間、時代」嘅意思。
  • 瑪瑪(mama):阿媽

巴乍瑪瑪嘅權限[編輯]

巴乍瑪瑪係司掌生育、地力嘅大地之,呢個土地唔係淨係地理上嘅大地、單純嘅自然,而係意味住總包含,係所有嘢嘅母親。巴乍瑪瑪係表示如山、川等大地所有嘅嘢,係生命之河流過嘅地方,而唔係表現爲特定嘅身姿或者地域。雖然無特定嘅場所位置,但有阿巴芝打(Apachita;象徵巴乍瑪瑪嘅金字塔型嘅細石堆)來集中守候。巴乍瑪瑪作爲神聖嘅大地直接同人間嘅生活鄰接,所以啲人祈願可以從女神嘅大地度獲得食糧同所有嘢。

睇埋[編輯]