市橋站 (岐阜)

  呢篇文講西濃鐵道市橋綫入面已經停運咗嘅車站。想搵廣州地鐵3號綫嘅車站嘅話，請睇市橋站 (廣州)。

市橋站（粵拼：si5 kiu4 zaam6；日文：市橋駅／いちはしえき）係西濃鐵道市橋綫入面，既係一個已經唔再開放嘅車站，又係市橋綫嘅終點站。喺第二次世界大戰之前，呢個站係一個搭客嘅火車站。佢喺日本中部地區岐阜縣大垣市南市橋町嗰度，1928年12月17號開始營運，2006年3月31號正式閂閘。

車站歷史

喺1928年12月17號，嗰時嘅市橋綫延長段，就從美濃赤坂延長到而家呢個站嗰度為止，不過佢最先用嚟做貨運站。而到咗1930年2月1號先至開始畀乘客入去坐火車，嗰時嘅日本國鐵用燃油發動機車嚟用直通車嘅方式嚟營運。重喺大垣到呢個站之間，7次往返嚟運輸都有。不過到咗1934年5月到彩，喺赤坂本町到呢個站嘅區域唔接受任何乘客嘅坐車申請，甚至連入站都唔畀。喺1935年6月16號，市橋綫從赤坂本町到呢個站嘅區域就開始停運，凈係交返畀貨運嚟用，一直到20世紀90年代後期，已經得返好少貨運嘅列車嚟呢個站停。而呢個站正式開始停運係喺2006年3月31號，嗰時嘅西濃鐵道株式會社正式宣佈，從呢個站到猿岩站嗰橛正式停運。

停運之後嘅狀況

• 除咗車站入面嘅設施之外，呢個站嘅路線都已經拆走咗，甚至連軌道都俾人拆埋。

出面網頁

• 市橋駅［東海］ - Web日本鉄道旅行地図帳 全線・全駅・全廃線（新潮社）

上一站·下一站

上一站⇚⇚　　　　西濃鐵道　　　　⇛⇛下一站
猿岩站 美濃赤坂站←	市橋站 （已經停運咗） 市橋綫	終點
呢個站喺2006年3月31號正式開始停運。