希格斯玻色子

出自維基百科,自由嘅百科全書
(由希格子跳轉過嚟)

希格斯玻色子(又叫希格斯粒子希格斯子上帝粒子)係粒子物理學標准模型預言嘅一挺自旋爲零嘅玻色子,到而家重未喺實驗中觀察到。佢亦係標准模型中最後一挺重未發現嘅粒子。

英國物理學家希格斯(P.W.Higgs)提出咗希格斯機制。喺呢挺機制入便,希格斯場引起自發對稱性破缺,重將質量賦予規範傳播子費米子。希格斯粒子係希格斯場嘅場量子化激發,佢通過自相互作用而獲得質量。

歷史[編輯]

自然界入便物體之間嘅相互作用,可以劃分做4種力:引力重力)、電磁力強相互作用弱相互作用。喺愛因斯坦相對論解決咗重力問題後,啲人開始嘗試建立統一嘅模型,想話解釋通過後3種力相互作用嘅所有粒子。

科學家建立咗叫做標準模型嘅粒子物理學理論,佢可以基本粒子分做3大類:誇克輕子玻色子。標準模型嘅缺陷,就係佢冇辦法解釋物質質量嘅來源。

為咗修補前便講過嘅理論嘅缺陷,英國科學家希格斯提出咗希格斯場嘅存在,重甚至乎預言咗希格斯玻色子嘅存在。假設出嘅希格斯玻色子係物質嘅質量之源,係電子誇克等形成質量嘅基礎。第啲粒子喺希格斯玻色子構成嘅入便,受佢作用而產生慣性,最尾先至有咗質量。之後冚嘭唥粒子喺除引力外嘅另3種力嘅框架入便相互作用,統一於標準模型之下。標準模型預言咗62種基本粒子嘅存在,呢啲粒子基本都經已被實驗證實,而希格斯玻色子係最後一挺重未發現嘅基本粒子。

驗證[編輯]

歐洲核子研究中心1991年開始設計興建嘅歐洲大型強子對撞機位於法國瑞士邊境地區地下100米深、約27公里長嘅環形隧道入便,使咗總計約100億美元,於2008年9月10日正式開始調試運行。佢可以憑借能令到單束粒子流能量達到7萬億電子伏特而成為世界上能級最高嘅對撞機。科學家普遍期望喺呢部對撞機嘅幫助下,能夠發現希格斯玻色子

之不過希格斯認為,到而家經已運行多年嘅美國費米實驗室萬億電子伏特加速器可能經已獲得希格斯玻色子存在嘅數據。

睇埋[編輯]