跳去內容

食鹽

出自維基百科,自由嘅百科全書
(由幼鹽跳轉過嚟)
  呢篇文講調味料。想搵一系列化學品嘅總稱嘅話,請睇
食鹽

食鹽係主要由氯化鈉組成嘅可食用礦物。佢係最常見嘅調味料,有鹹味

食鹽根據鹽粒大細,可以分為粗鹽同幼鹽,粗鹽鹽粒較大,幼鹽鹽粒較細。

食鹽又可以分為生鹽同熟鹽,生鹽「味鹹而甘」,熟鹽「其味倍咸」。[1]

來源[編輯]

食鹽根據來源,可以分為海鹽岩鹽湖鹽。海鹽係由海水曬乾而得。

衍生鹽[編輯]

食鹽可以加其他嘢做成其他味道嘅鹽。譬如加甘草粉炒就可以整成甘草鹽,再加辣椒粉又成辣椒甘草鹽之類。

用途[編輯]

睇埋:鹹味

食鹽响人類飲食文化當中有相當重要嘅角色:世界各地嘅菜系都有用到食鹽或者鹹味重嘅原材,例如齋講粵菜就有鹹魚鹹蛋等,而且鹹味又被指可以帶出肉類鮮味,所以啲人煮飯海鮮或者嗰時亦成日會落鹽同生抽等嘅調味料,令食物有鹹鹹哋噉嘅味。

參考[編輯]

  1. 廣東新語》(清朝‧屈大均):「粵有生鹽、熟鹽,熟鹽產歸德等場,成於火煎,性柔易融化,味鹹而甘,便於調和,水居之民喜食之。生鹽產淡水等場,成於日曬,性剛能耐久,其味倍咸,食之多力,山居之民喜食之。」

睇埋[編輯]