廣州市八一實驗學校

出自維基百科,自由嘅百科全書
Jump to navigation Jump to search
廣州市八一實驗學校
Guangzhou August 1st. Experimental School
GZA1ES.png
文明 守紀 活潑 進取
位置
五羊新城達道路5號
明細
校訓文明 守紀 活潑 進取
成立1948年5月
校區越秀區
級別全日制
學校正門

 廣州市八一實驗學校粵拼gwong2 zau1 si5 baat3 jat1 sat6 jim6 hok6 haau6中國廣東廣州嘅一間學校,喺1948年5月開辦,位置喺越秀區五羊新城達道路5號,隔籬冇幾遠係軍事管理區。

校服色[編輯]

八一實驗學校嘅校服
School Uniform for GZA1ES (L).jpg School Uniform for GZA1ES - L1.jpg
School Uniform for GZA1ES - L2.jpg School Uniform for GZA1ES (S).jpg
長袖
  • 衫:
    厚:            相間,上            ,領    ,袖口    。左右對稱。
    薄:純    ,兩個袖上邊帶    嘅中等厚度線。
  • 褲:
    厚:    ,帶一粗一幼嘅    邊。
    薄:    ,兩邊有中等厚度嘅    線。
短袖
  • 衫:    ,領同袖口都係    ,兩個袖上邊帶    嘅中等厚度線。
  • 褲:    ,兩邊有中等厚度嘅    線。

[編輯]

成立初期,駐足哈爾濱[編輯]

1948年5月,中國人民解放軍喺就快開打遼沈戰役時,為咗解決從各戰場同蘇聯(今日嘅俄羅斯)返嚟嘅部分高級指揮將領同烈士嘅仔女教育問題,羅榮桓元帥嘅芙蓉——林月琴黑龍江省哈爾濱嘅松花江邊搞咗東北民主聯軍南崗幹部子弟學校。學校成立初期非常簡陋,唔單止冇課室,相反凈得8位細路去咗羅榮桓政委嘅辦公室上堂。後嚟學生先至多到18位,同而家相比少好多。初期辦學凈得小學一至三年級同幼稚園嘅機構。

南下到天津[編輯]

受到解放戰爭勝利同中國東北解放嘅影響,學校根據上級批示,喺平津戰役打嗮之後馬上帶學生坐火車到天津一帶。學校喺1949年2月6號搬到天津後,喺湖北路58號(而家係渤化集團所在地),重改名做「第四野戰軍幹部子弟學校」而繼續辦學。嗰時嚟讀書啲學生去到289人,達到多人讀書嘅規模。

南下到湖北[編輯]

1949年9月初,學校又跟埋解放軍團隊去到湖北漢口(今日嘅武漢漢口區)下滑坡,重改名做「中南軍區兼第四野戰軍幹部子弟學校」而繼續辦學。但到咗1950年初,由於抗美援朝戰爭關係,軍區為咗防止美國軍隊突然打沉學校而搬到武昌(今日嘅武漢武昌區)東湖地區。嗰時學校有62位老師同400位學生。

南下到廣東[編輯]

由於第四野戰軍南下將兩廣收復咗,學校喺1950年3月從漢口搬到廣州辦學,初期喺東山區(而家嘅越秀區)達道路2號嘅司令部入面辦學,校名又改名做「中國人民解放軍第十五兵團幹部子弟學校」。但同年冬天因防空疏散而奉命,搬到韶關十里亭直到第二年3月先至返到廣州百子路一帶,重改名做「廣州軍區幹部子弟學校」;隨後又改名做「華南軍區幹部子弟學校」重搬到雞頂坑一帶繼續辦學。

1955年2月同1956年8月,為咗紀念六一兒童節同八一軍隊,學校先後改名做「廣州六一小學」同「廣州八一小學」。後嚟考慮到軍區首長啲仔女返學路途太遠嘅關係,喺東山達道路嘅部隊大院(而家係軍區嘅警衛營)搞咗分教處。學校改名做八一小學無耐,學校為學生安全起見而搬到黃華路重開辦初中班,學校改名做「廣州八一中學」,甚至保留咗附屬第一、第二小學,而達道路嘅分教處改名做「廣州八一中學附屬第二小學」。

開辦中學[編輯]

1964年8月,校方轉交畀地方政府統一睇實。1966年9月,受到文革破四舊浪潮影響,嗰時讀完六年級啲學生冇埞升學關係,而開辦咗七年級[註 1]。但時隔一年,其他學校開始復課之後,七年級啲學生去到七中培正、62中(今日嘅育才)同喺黃華路嘅八一中學[註 2]繼續讀書。

但家長諗注留返學生喺八一讀初中,重向東山區教育局(2005年撤銷)提出開辦初中,由於嗰時毛澤東話「教育要革命,學制要縮短」嘅關係,教育局同意咗喺1968年9月開辦初中,校名亦改做「廣州市八一學校」,嗰時凈得5年小學同2年初中。直到1970年6月,第一屆初中4個班啲學生畢嗮業,家長強烈要求學校開辦高中,後嚟廣州市教育局收到料而好快批復咗喺1970年9月正式開辦,不過學制凈得2年。直到1982年,學校一共開辦咗12年學制[註 3],但隨後考慮到教育戰線太長,就將三年高中斬咗。

再次改名[編輯]

2001年正式改名做「廣州市八一實驗學校」兼改成九年一貫制學校;同年被評為區一級學校。2003年12月將共和路小學合併埋;2005年1月升級為廣州市一級學校。

[編輯]

  1. 中國大陸嘅特有嘅罕見年級名詞,而家嚟講係中學嘅初一級,不過大多數中國嘅學校係唔承認七年級。
  2. 間學校喺1968年8月改名做53中,1981年改名做廣州師範學院附屬中學,2000年10月改名做而家嘅廣州大學附屬中學
  3. 中國大陸嘅12年學制係小學6年、初中3年,及高中3年。

出面網頁[編輯]