廣州市南海中學
| 廣州市南海中學 Guangzhou Nanhai Middle School | |
|---|---|
 | |
| 明細 | |
| 類 | 廣東省一級學校 |
| 成立 | 1904年 |
| 校區 | 荔灣區 |
| 級別 | 中學全日制 |
| 網站 | http://www.gznhzx.com |
校服色[編輯]
 |
- 長袖：
- 衫： ，中間有條上 下 嘅線條，左右對稱，袖口有 線。
- 褲：純
- 風褸： 相間，上 下 。
- 短袖：
- 衫： ，中間有條上 下 嘅線條，左右對稱，有領冇紐扣，兩邊嘅袖冇折痕。
- 褲：純
喺1992年9月～2009年7月間，校服用過 嘅品種。
史[編輯]
成立初期[編輯]
其實呢間學校喺清光緒29年（1904年），嗰時嘅西湖書院（而家係廣州市西湖路360號嗰頭）係一間名嗌「南海中學堂」嘅館舍，而校長就俾朱世疇做咗。直到1910年先至搬咗去蘆荻巷嘅報資寺舊址（而家西華路460號呢度）。甚至喺1912年改咗名嗌南海中學校。
學校話搬走？[編輯]
喺1922年，南海縣當局就諗住將南海中學停辦，後嚟有好多位喺度猛咁爭，結果南海縣先至話凈係留返南海中學，而師範嗰間就唔好彩，起咗喺佛山入面，但南海縣政府就每年唔再向南海中學出錢。而去咗香港嘅南海商會首腦——李右泉同埋馮香泉，就成立咗南海中學校董會，喺跟住嗰卅幾年入面負責厝辦學經費。
抗日戰爭時期，學校一度停辦。[編輯]
喺20世紀30年代，學校就攞咗廣東省教育廳頒發出嚟嘅獎，甚至喺鄉下開過鄉村師範學校。但係抗日戰爭嗰陣唔好彩，南海中學啲學校是先後去咗佛山南海泌沖、麻奢、北村、中山前山（而家係珠海市斗門區前山）、澳門呢啲地方避難。 喺1937年，嗰時南海中學變成民國最巴之閉嘅9間中學[註 1]入面其一中學。但喺1941年香港淪陷之後，呢間學校停辦咗一段時間直到1945年先至恢復返。
所謂「萬善中學」[編輯]
喺1939年，由於萬善識字班嘅成立，先至多咗萬善學校出嚟。而呢間學校就喺1年之後（1941年）成立咗初中部，而校址就喺豐寧路（而家係人民中路）嗰邊。而呢間學校喺1953年先至合併咗。
恢復返間學校[編輯]
喺1945年，由於南海中學返嚟廣州嗰度搞，嗰時西華路嘅校址就俾法商學院借咗，而啲學生冚唪唥去嗮南海學宮度上課，直到1947年2月份嘅法商學院搬走咗先至入返嚟。
中華人民共和國成立咗之後[編輯]
由於南海中學知萬善中學喺廣州入面搞，結果佢喺1953年同萬善中學合併咗，重改咗名嗌「廣州市第十一中學」。喺1962年，由於有好多海外華僑同港澳賢達都撐同埋幫手，就喺南海區西樵山鳳地搞咗間南海華僑中學出嚟。
文革時期[編輯]
喺1968年，雖然受到破四舊嘅思想影響，但係「廣州市第十一中學」個名就一直都冇變過。而十一中校區同南海中學甚至喺1969年10月到咗鐘落潭茅崗白土村搞咗間學農分校，後嚟嗰間學農分校喺1977年停辦。而十一中校區嘅喺1975年畀咗荔灣區教育局去睺實。
改革開放之後[編輯]
雖然話嗰時辦學條件好簡陋，但係冚唪唥啲學生仔都好搏吓，就喺1978年7月嘅第一年高考入面攞咗荔灣區最好嘅中學成績。雖然話學校甚至喺1980年9月畀返廣州市教育局嚟睺實，但係到咗2000年8月先至又畀返荔灣區教育局去睺實。喺2000年11月就升級成廣州市一級學校，到咗2005年7月又變成廣東省一級學校，而高中部喺2006年9月先至搞好。喺2006年9月，學校將之前用咗53年嘅「廣州市第十一中學」嘅名改返之前嗌「廣州市南海中學」嘅名。
學校攞過嘅獎[編輯]
呢間學校攞過以下呢啲獎：
- 廣東省文明學校
- 廣東省普通高中新課程實驗樣本校
- 廣東省中小學現代教育技術實驗學校
- 廣東省綠色學校
- 廣東省體育傳統專案先進單位
- 廣東省中學生體育協會理事校
- 廣東省中學生社會實踐活動評比一等獎
- 廣東省衛生工作先進單位
- 廣東省三優聯評最佳組織獎
同佢有關嘅正文[編輯]
註[編輯]
- ↑ 中華民國時期，民國最巴之閉嗰9間中學分別有3間喺河北；4間喺江蘇；1間喺湖南；重有間喺廣東。