南海學宮

出自維基百科,自由嘅百科全書
Jump to navigation Jump to search
南海學宮嘅牌坊
南海學宮位置

南海學宮粵拼naam4 hoi2 hok6 gung1)係原先廣東省城三大學宮之一,喺廣州,經已拆咗。佢係舊時南海縣嘅學宮,同廣府學宮番禺學宮,分佈喺省城之內。之下一切灰飛煙滅,家下只留低學宮街一名。

[編輯]

南海學宮舊時喺五仙觀東北,光塔路以東,南海縣衙西北嘅學宮街入面。

學宮成窄長形,主軸南北走。學宮西側,喺家下朝天路南段同米市路北段,而朝天路舊時叫朝天街。南面係大門口,向學宮街,學宮街舊時叫南海街。東側唔知街名,而舊時北面𡰪係陶街

[編輯]

南海學宮歴史悠久。中華民國時,學宮係南海縣所有。南海學宮,毁於中華人民共和國[1]

大清[編輯]

大清末期,廢科舉。開始辦學西洋,搞學校。南海學宮開始轉做學校。當中包括一九零四年開嘅南海中學,不過無耐就搬咗[2]

中華民國[編輯]

中華民國十年,歲次辛酉,二月左右,即係一九二一年三月,軍隊蹂躪南海學宮。翁式亮第六獨立旅嘅軍隊駐南海學宮,隨處屙尿開槍,搞到裏面縣小學同國民學校都唔敢返學,而喺入面寫字樓嘅縣紳,都畀兵士呼喝,唔敢入去。縣紳區大原等六十人,聯同國會議員孔昭晟,省議員朱文格,致總司令部,促請該旅搬藪[3]。之不過,八月,即西曆九月都無搬走。大成殿同兩廡都變軍人睏覺地方。秋祭時,縣紳見殿內立立亂,周圍掛晒衫,賢牌都唔知喺邊[4]

中華民國十二年,歲次癸亥,四月左右,即係一九二三年六月,傳出廣州市長孫科要變賣南海學宮。當時學宮係南海縣公產,係祭孔場地。呢個傳聞引起人抗議[5]

中華民國二十年,歲次辛未,二月二十日深夜,即係一九三一年四月七號,南海學宮後面冧圍牆。幅牆高兩丈,日久失修,危危乎。當晚,臨普林里一段,突然冧咗。好彩深夜人稀無人傷,之不過,塞住交通咁嗟[6]

[編輯]

  1. "消失的何止摸得着的文化 汤国华点评11个案".
  2. "南海中学概述".
  3. 香港華字日報。辛酉年弍月拾叁日禮拜弍。中華民國拾年叁月弍號。第弍拾叁頁。粵聞。軍隊蹂躪南海學宮之呈訴。
  4. 香港華字日報。辛酉年捌月廿壹日禮拜乜。中華民國拾年玖月廿弍號。第叁張肆頁。粵聞。南海學宮被軍人踐踏。
  5. 香港華字日報。癸亥年肆月廿捌日禮拜弍。中前,中華民國拾弍年陸月拾弍號。第壹張弍頁。時評。南海學宮亦變賣耶(憤)。
  6. 香港華字日報。中華民國二十年四月九號星期四。辛未年二月廿二日。第一張第四頁。粵聞二。南海學宮後部倒塌。

參攷[編輯]