番禺學宮

出自維基百科,自由嘅百科全書
Jump to navigation Jump to search
番禺學宮牌匾
清時番禺學宮所在地

番禺學宮中國學宮,喺廣州中山四路。學宮多次起落,家下規模,係大清道光十五年重修。中華人民共和國一九五零年佔領廣州之後,學宮累遭破壞。家下係廣州唯一幸存嘅學宮,其餘廣府學宮南海學宮都拆咗。

[編輯]

家下廣州,係廣東省城。之不過縣治來講,中華民國之前,係番禺縣地,有時部份,有時全部。大清時東半係番禺,西半係南海

按大清同治年間所修嘅《番禺縣誌》,大宋淳祐元年,即一二四一年,喺縣東南五里,起咗學宮。

去到大明洪武三年,即一三七零年,知縣吳忠同訓導李昕,喺東城入便。番禺學官自始就係番禺縣嘅縣學,有拜孔子文廟。學官後尾燒毀,到咗十三年,即係一三八零年又重修,之不過最尾又係燒咗。大清佔領省城之後,仍奉舊制,當時地埗叫惠愛大街,近城嘅大東門,側邊就番禺縣衙,而無幾遠係貢院。乾隆十二年,即一七四七年,同道光十五年,即一八三五年,都有重修。一九零六年,改爲八桂中學,係番禺中學堂之一。中華民國惠愛大街改叫惠愛東路。民國十五年,即一九二六年,大部份租過畀毛澤東等人,搞農民運動講習所第六期。

中華人民共和國喺一九五零年佔領廣州。爲咗紀念中國共產黨史迹,一九五三年七月,番禺學官改成廣州農民運動講習所舊址紀念館,工人四百幾人,整咗一年,一九五四年七月十五號開放。呢次改館,學宮大受破壞,面目全非。之不過因爲咁一整,唔似廣府學宮同南海學宮咁慘,連渣都無。一九六一年三月四號,紀念館歸入全國重點文物保護單位一九六五年維修嗰陣,大成殿金柱挖空朽木,用鋼筋水泥加固,留金柱外皮。

建築[編輯]

崇聖殿前木棉
崇聖殿,農講所佔用期間改做飯堂。

清時,番禺學宮規模宏大,成個佔地面積五千四百廿五平方米。佢闊三進,深五進。大門叫欞星門,係大麻石雕。門外有紅石雕成牌坊,其中兩柱係龍,而坊上有小獅六隻。

正中有大成殿、崇聖殿、尊經閣。大成殿最大,主要木造,闊五間,有廿四米七二,進深十四米二二,高十二米六二。

左有鋪、土地寺、科癢、儒學署、明倫堂、光霽堂、八桂儒林、園、廊、名宦寺。

右有鋪、節孝寺、訓導署、忠義孝弟寺、射圃、鄉賢寺、廊等。戟門後便有池,中建石橋,再入係大成門,兩旁有更衣所同東廡西廡。各殿紅牆黃瓦

家下左右兩路,只拆淨左側明倫堂、光霽堂。而正中重拆浮欞星門泮池拱橋、大成門、大成殿、崇聖殿、同埋東西廊廡,東齋東牆上嵌有《番禺府縣新生印金章程碑記》等六塊碑刻。

出面網頁[編輯]

座標: 23°7′49.22″N 113°16′16.8″E / 23.1303389°N 113.271333°E / 23.1303389; 113.271333