廣州市真光小學
.jpg)
廣州市真光小學係中國廣東廣州冇咗嘅小學，位置喺越秀區一德路419號（近天成路口東南角）。學校喺1868年成立，2017年同隔籬嘅長堤真光中學合併而正式消失。
史
[編輯]睇埋：廣州市真光中學
大清政府喺第二次鴉片戰爭後正式開辦新式學堂。1868年，那夏理嚟咗廣州傳基督教，1872年喺珠江邊最發達、十三行最西邊嘅沙基金利埠（今日嘅六二三路）搞真光書院，但1878年因火燭而燒冧，學校逼住搬到十三行東邊嘅仁濟路。學校搬到仁濟路後，由於隔籬係豫章書院同潮州會館，所以真光出現中西式嘅教學交匯特色。
1912年，真光書院改名做真光女子中學，重喺四年後加開小學部、幼稚園同大學部呢啲機構。但1938年因廣州淪陷，除咗小學部同初中部之外，其它都搬嗮香港嗰邊避難。中華人民共和國成立之後，學校亦受到「唔畀有私人機構」規定同文革「破四舊」浪潮影響，先後改名做廣州市公立十九小學、中區太平街小學及仁濟路小學。但1958年因中山醫學院第二附屬醫院（今日嘅中山大學孫逸仙紀念醫院）要征地兼擴大規模，學校亦搬到石公祠直街入面繼續辦學直到1995年撤出。
1995年9月，學校又搬到一德路近天成路口繼續辦學。半年後亦改返之前嗌過嘅廣州市真光小學。1999年9月同一德西路小學（位置大概係越秀區兒童公園嘅所在地）合併。重喺5年後又同新橋市小學合併埋。
2017年1月7號，越秀區教育局為咗整合越秀區當地嘅教育資源，將隔籬嘅長堤真光中學合併埋，初步改名做「越秀區真光實驗學校」。同年9月22號正式同隔籬嘅真光小學合併咗兼改名做廣州市真光學校[1]兼喺同年11月11號揭牌[2]。原先有住一個世紀嘅「真光小學」校名正式成為歷史。
睇埋
[編輯]攷
[編輯]- ↑ 〈最新：长堤真光中学和真光小学，合并成为广州市真光学校〉。《北辰资讯》。2017-09-22。
{{cite news}}: CS1 maint: url-status (link) - ↑ 〈广州市真光学校昨日揭牌〉。《求学指南》。2017-11-12。原著喺2020-09-08歸檔。喺2017-12-13搵到。