廣州文園酒家

 廣州文園酒家（粵拼：gwong2 zau1 man4 jyun2 zau2 gaa1） 係廣州市一間冇咗嘅酒家，喺而家嘅荔灣區文昌路嗰邊。佢係民國時期嘅廣州四大酒家入面，其中一間比較出名嘅酒家。其中呢間嘢比較出名嘅餸係江南百花雞。

簡況

呢間酒樓嘅佈置方面都幾靚吓，喺門額下面有寫住「包辦筵席 隨意小酌」呢8個字。而酒家入面嘅亭台個大池都好大，入面有間亭仔；而樓下嘅大廳有間禮堂響度，而樓上有幾間房座，重有好多綠樹圍住嗮；而園中間都有散座，入面有嚿泥牛瓦童響度；而石山同盤景可以畀遊客去睇同玩都得。

拆除

喺1929年拆文昌巷嚟起馬路嗰時，原先施工隊諗住拆嗮成條文昌巷嘅，不過部分整馬路嘅官員畀出嘅賠償金額，佢都話唔制。結果就改咗從路口隔籬嘅民房，一直去到曾巷嗰頭。搞到文園每次有宴會嗰陣，車就唔入得嚟。而喺文昌路口就新開咗間西南酒家，而且交通都好方便，搞到文園嘅生意一直下跌，甚至喺抗日戰爭嗰陣，因為廣州淪陷，結果俾日本仔炸冧咗。喺日本仔投咗降之後，呢度雖然話重新起返間嘢，但係間嘢改咗辦醫院；甚至喺中華人民共和國成立咗之後變埋文昌路小學。

攷

• 文园酒家 广州文史